ബുധനാഴ്ച 20 ജനുവരി 2021 - 5:52:02 am
2021 Jan 19 Tue, 10:52:03 pm
24 മണിക്കൂറിൽ 3,491 പുതിയ കോവിഡ് -19 കേസുകൾ, 3,311 രോഗമുക്തി, 5 മരണം
2021 Jan 19 Tue, 10:51:38 pm
കഴിഞ്ഞ 24 മണിക്കൂറിനുള്ളിൽ 93,846 ഡോസ് COVID-19 വാക്സിൻ നൽകി
2021 Jan 19 Tue, 10:51:15 pm
ബ്രേക്കിങ്: യുഎഇയിൽ കോവിഡ് വാക്സിൻ ഡോസുകളുടെ എണ്ണം 2 ദശലക്ഷം കവിഞ്ഞു
2021 Jan 17 Sun, 10:32:29 pm
24 മണിക്കൂറിൽ 3,453 പുതിയ COVID-19 കേസുകൾ, 3,268 രോഗമുക്തി, 5 മരണം
2021 Jan 17 Sun, 10:31:27 pm
അൽദാർ പ്രോപ്പർട്ടീസുമായും സാൻഡൂക്ക് അൽ വതനുമായും ഖലീഫ യൂണിവേഴ്‌സിറ്റി കരാറൊപ്പിട്ടു
2021 Jan 17 Sun, 10:29:36 pm
കഴിഞ്ഞ 24 മണിക്കൂറിനുള്ളിൽ 84,852 ഡോസ് കോവിഡ്-19 വാക്സിൻ നൽകിയതായി ആരോഗ്യ-പ്രതിരോധ മന്ത്രാലയം
2021 Jan 17 Sun, 10:28:12 pm
യു‌എ‌ഇയുടെ വാക്സിനേഷൻ തോത് 100ൽ 25.12 പേർ എന്ന അനുപാതത്തിൽ എത്തി

എമിറേറ്റ്സ് ന്യൂസ്

അന്താരാഷ്ട്ര ഭീകരത ഇല്ലാതാക്കുന്നതിനുള്ള പ്രതിബദ്ധത വ്യക്തമാക്കി യു‌എഇ

ന്യൂയോർക്ക്. ജനുവരി 18, 2021 (WAM) -- ഭീകരവാദത്തെ ഉന്മൂലനം ചെയ്യുന്നതിലുള്ള തങ്ങളുടെ പ്രതിജ്ഞാബദ്ധത യുഎന്നിൽ യുഎഇ ഊന്നിപ്പറഞ്ഞു. 2022-2023 കാലഘട്ടത്തിൽ യുഎൻ സെക്യൂരിറ്റി കൗൺസിൽ അംഗമായി തെരഞ്ഞെടുക്കപ്പെട്ടതുൾപ്പെടെയുള്ള കാര്യങ്ങൾ ചൂണ്ടിക്കാട്ടിയ യുഎഇ, തീവ്രവാദത്തെ ചെറുക്കുന്നതിനും ഉന്മൂലനം ചെയ്യുന്നതിനുമുള്ള അന്താരാഷ്ട്ര ശ്രമങ്ങൾ ശക്തിപ്പെടുത്തേണ്ടതുണ്ടെന്ന് അടിവരയിട്ടു പ്രസ്താവിച്ചു. യുഎൻ രക്ഷാസമിതിയിൽ ഭീകരവാദം മൂലം അന്താരാഷ്ട്ര സമാധാനത്തിനും സുരക്ഷയ്ക്കുമുണ്ടായ ഭീഷണികൾ സംബന്ധിച്ചുള്ള ചർച്ചയിൽ എഴുതി വായിച്ച പ്രസ്താവനയിലാണ് ഇക്കാര്യം പറയുന്നത്. ടുണീഷ്യ ആധ്യക്ഷം വഹിച്ച ഈ യോഗത്തിൽ ഭീകരവാദത്തെ എതിരിടാൻ അന്തർദ്ദേശീയ സഹകരണത്തിന്റെ ആവശ്യകതയിൽ ചർച്ച നടന്നു. 2001ൽ 1373-ാം പ്രമേയം അംഗീകരിച്ച് 20 വർഷത്തിനുശേഷമാണിത്. നിരന്തരമായ ശ്രമങ്ങൾ നടത്തിയിട്ടും അപകടകാരികളായ തീവ്രവാദ ഗ്രൂപ്പുകളായ അൽ-ക്വൊയ്ദ, ഡാഷെ, ബോക്കോ ഹറാം എന്നിവ സജീവമായി തുടരുന്നുവെന്നും ചിലർ ഇപ്പോഴും ആഗോള ശൃംഖലകൾ പുലർത്തി എല്ലാവരുടെയും...

അബുദാബിയുടെ ഹരിത ഹൈഡ്രജൻ സമ്പദ്‌വ്യവസ്ഥയുടെ വികസനത്തിന് മസ്ദർ മുൻകൈയെടുക്കുന്നു

അബുദാബി, ജനുവരി 18, 2021 (WAM) -- അബുദാബി ഊർജ്ജ വകുപ്പ്, ഇത്തിഹാദ് എയർവേയ്‌സ്, ലുഫ്താൻസ ഗ്രൂപ്പ്, ഖലീഫ യൂണിവേഴ്‌സിറ്റി ഓഫ് സയൻസ് ആൻഡ് ടെക്‌നോളജി, സീമെൻസ് എനർജി, മരുബെനി കോർപ്പറേഷൻ എന്നിവയുമായി അബുദാബിയിലെ ഹരിത ഹൈഡ്രജൻ സമ്പദ്‌വ്യവസ്ഥയുടെ വികസനത്തിന് സഹായകമായ ഒരു സംരംഭത്തിൽ കൈകോർക്കുന്നതായി മസ്ദാർ അറിയിച്ചു. അബുദാബി സുസ്ഥിരതാ വാരം (എ.ഡി.എസ്.ഡബ്ല്യു) ആരംഭിക്കുന്നതിന് മുമ്പ് നടന്ന വെർച്വൽ ഒപ്പിടൽ ചടങ്ങിൽ ഓരോ ഓർഗനൈസേഷനിലെയും മുതിർന്ന എക്സിക്യൂട്ടീവുകൾ ഇന്നലെ ധാരണാപത്രത്തിൽ ഒപ്പുവച്ചു. ഹരിത ഹൈഡ്രജൻ, സുസ്ഥിര ഇന്ധനങ്ങൾ, ഗതാഗതം, ഷിപ്പിംഗ്, വ്യോമയാന മേഖലകൾ എന്നിവയ്ക്കുള്ള ഇ-കെരോസിൻ, ഗ്രീൻ ഹൈഡ്രജൻ, സുസ്ഥിന ഇന്ധനങ്ങൾ തുടങ്ങിയവയുടെ ഉൽപാദനം എന്നിവയുടെ വികസന സാധ്യത തിരിച്ചറിയുന്നതിനായി അബുദാബിയിലെ പ്രധാന സുസ്ഥിര നഗരവികസന കൂട്ടായ്മയായ മസ്ദാർ സിറ്റിയിൽ ഒരു ഡെമോൺസ്ട്രേറ്റർ പ്ലാന്റ് സ്ഥാപിക്കുകയാണ് ഈ സംരംഭത്തിന്റെ...

24 മണിക്കൂറിൽ 88,743 ഡോസ് COVID-19 വാക്സിൻ നൽകി

അബുദാബി, 20 ജനുവരി 2021 (WAM) - കഴിഞ്ഞ 24 മണിക്കൂറിനുള്ളിൽ 88,743 ഡോസ് കോവിഡ് -19 വാക്സിൻ നൽകിയതായി ആരോഗ്യ-പ്രതിരോധ മന്ത്രാലയം അറിയിച്ചു. ഇന്നുവരെ നൽകിയിട്ടുള്ള മൊത്തം ഡോസുകളുടെ എണ്ണം 1,971,521 ആണ്, 100 പേർക്ക് 19.93 ഡോസുകൾ എന്ന അനുപാതത്തിലാണ് വാക്സിൻ വിതരണം ഇപ്പോൾ എത്തിയിട്ടുള്ളത്. സമൂഹത്തിലെ എല്ലാ അംഗങ്ങൾക്കും വാക്സിൻ നൽകാനുള്ള മന്ത്രാലയത്തിന്റെ പദ്ധതിക്കും വാക്സിനേഷന്റെ ഫലമായി സ്വായത്തമാക്കിയ പ്രതിരോധശേഷി കൈവരിക്കാനുള്ള ശ്രമങ്ങൾക്കും അനുസൃതമാണിത്. ഇത് കേസുകളുടെ എണ്ണം കുറയ്ക്കുന്നതിനും കൊറോണ വൈറസ് നിയന്ത്രിക്കുന്നതിനും സഹായിക്കും. WAM/Ambily https://wam.ae/en/details/1395302902317

ഏറ്റവും പുതിയത്

15 രാജ്യങ്ങളിൽ 39 പ്രോജക്ടുകൾ; 2020ലെ വെല്ലുവിളികളോട് TBHF-ന്റെ പ്രതികരണം

ഷാർജ, ജനുവരി 18, 2021 (WAM) -- ലോകമെമ്പാടും സാമ്പത്തികവും സാമൂഹികവുമായ പ്രക്ഷോഭങ്ങൾ അടയാളപ്പെടുത്തിയ ഒരു പ്രക്ഷുബ്ധമായ വർഷമാണ് കടന്നുപോയത്. രാജ്യങ്ങൾ അഭൂതപൂർവമായ കോവിഡ് -19 പകർച്ചവ്യാധിയോട് പോരാടി. ബെയ്റൂട്ട് തുറമുഖ സ്ഫോടനങ്ങൾ, സുഡാനിലെ വിനാശകരമായ വെള്ളപ്പൊക്കം ഉൾപ്പെടെയുള്ള ദുരന്തങ്ങളുണ്ടായി. ദി ബിഗ് ഹാർട്ട് ഫൌണ്ടേഷൻ (ടിബിഎച്ച്എഫ്) എന്ന സംഘടന അന്താരാഷ്ട്ര തലത്തിൽ ജീവകാരുണ്യ പ്രവർത്തനത്തിന് നേതൃത്വം നൽകി. 39 പദ്ധതികൾക്ക് ധനസഹായം നൽകി. ഷാർജ ആസ്ഥാനമായുള്ള ഈ സംഘടന മൊത്തം 38,979,601 (US $ 10,598,043) ദിർഹത്തിന്റെ പ്രോജക്ടുകൾ നടപ്പാക്കി. മുൻവർഷത്തേക്കാൾ 23 പദ്ധതികളുടെ വർദ്ധനവ് സൂചിപ്പിക്കുന്ന ടിബിഎച്ച്എഫിന്റെ 2020 വാർഷിക റിപ്പോർട്ടിൽ ഈ സഹകരണ പങ്കാളിത്തം 15 രാജ്യങ്ങളിലായി 803,175 ഗുണഭോക്താക്കൾക്ക് നേട്ടമായിട്ടുണ്ടെന്ന് പറയുന്നു. 2019 ൽ 11 രാജ്യങ്ങളിലായി 656,404 ഗുണഭോക്താക്കൾ വർദ്ധിച്ചു. വർദ്ധിച്ചുവരുന്ന പകർച്ചവ്യാധികൾക്കിടയിൽ,...

യുഎഇ സോമാലിലാൻഡിൽ രണ്ട് ആശുപത്രികൾ തുറന്നു

ഹർഗീസ, ജനുവരി 18, 2021 (WAM) -- ഖലീഫ ബിൻ സായിദ് അൽ നഹ്യാൻ ഫൌണ്ടേഷന്റെ ഒരു പ്രതിനിധി സംഘം സൊമാലിയലാൻഡ് റിപ്പബ്ലിക്കിൽ രണ്ട് ആശുപത്രികൾ തുറന്നു. ആദ്യത്തേത്, വടക്കുപടിഞ്ഞാറൻ സൊമാലിയയിലെ ബെർബെറ നഗരത്തിലെ "ഷെയ്ഖ് ഖലീഫ ബിൻ സായിദ് അൽ നഹ്യാൻ ഹോസ്പിറ്റൽ" ആണ്. രണ്ടാമത്തേത്, സ്ത്രീകൾ, പ്രസവം, നവജാതശിശു സംരക്ഷണം എന്നിവയ്ക്കായി ഒരു പ്രത്യേക ആശുപത്രിയാണ്. സൊമാലിലാൻഡിലെ രണ്ടാമത്തെ വലിയ നഗരമായ ബുറാവോയിലാണ് സ്ഥാപിച്ചിരിക്കുന്നത്. പ്രസിഡന്റ് ഹിസ് ഹൈനസ് ഷെയ്ഖ് ഖലീഫ ബിൻ സായിദ് അൽ നഹ്യാന്റെ നിർദ്ദേശങ്ങൾ അനുസരിച്ചാണ് ഈ നീക്കം. അബുദാബി കിരീടാവകാശിയും യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ പിന്തുണയും ഈ സംരംഭങ്ങൾക്കുണ്ട്.. ഉപപ്രധാനമന്ത്രിയും, പ്രസിഡൻഷ്യൽ അഫയേഴ്സ് മന്ത്രിയും, ഫൗണ്ടേഷൻ ചെയർമാനുമായ ഹിസ്...

ഊർജ്ജ സ്രോതസ്സുകളെ വൈവിധ്യവത്കരിക്കുന്നതിൽ യുഎഇ ബദ്ധശ്രദ്ധരാണ്: സുഹൈൽ അൽ മസ്രൂയി

അബുദാബി, ജനുവരി 17, 2021 (WAM) -- നഗരങ്ങളെയും സമൂഹങ്ങളെയും 2030ഓടെ സമഗ്രവും സുരക്ഷിതവും സൌകര്യപ്രദവും സുസ്ഥിരവുമാക്കുകയെന്ന ലക്ഷ്യത്തോടെയുള്ള പദ്ധതികളും സംരംഭങ്ങളും നടപ്പിലാക്കുന്നതിലൂടെ സുസ്ഥിര വികസന ലക്ഷ്യങ്ങളുടെ (എസ്ഡിജി) 6, 7, 11 ലക്ഷ്യങ്ങൾ കൈവരിക്കാൻ ഊർജ്ജ, അടിസ്ഥാന സൌകര്യ മന്ത്രാലയം ഫെഡറൽ, പ്രാദേശിക അധികാരികളുമായി സഹകരിക്കുന്നു. 2071ലെ യുഎഇ ശതാബ്ദിയുടെയും, അടുത്ത 50 വർഷത്തെ മുൻകൂട്ടി കണ്ടുള്ള യുഎഇയുടെ തയ്യാറെടുപ്പുകളിലേക്ക് മന്ത്രാലയത്തിന്റെ സംഭാവനകളുടെയും ഭാഗമായാണിത് നടക്കുക. "ഫെഡറൽ, ലോക്കൽ അതോറിറ്റികളിലെയും സ്വകാര്യ മേഖലയിലെയും പങ്കാളികളുമായി സഹകരിച്ച് രാജ്യത്തിന്റെ ഭാവി അഭിലാഷങ്ങൾ കൈവരിക്കുന്നതിനായി നിരവധി പദ്ധതികളും സംരംഭങ്ങളും മന്ത്രാലയം ആരംഭിച്ചിട്ടുണ്ട്. ആഗോള മാനദണ്ഡങ്ങളെ പിൻപറ്റി തയ്യാറാക്കിയ ഫെഡറൽ റോഡുകളും കെട്ടിടങ്ങളുടെ സുസ്ഥിരതാ മാർഗ്ഗനിർദ്ദേശങ്ങളും സ്ഥാപിക്കുന്ന "ബിൽഡിങ്സ് ആൻഡ് റോഡ്സ് സസ്റ്റൈനബിലിറ്റി ഫ്രെയിം വർക്ക്" ഉൾപ്പെടെയുള്ളവ ഇതിൽപ്പെടുന്നു": അബുദാബി സുസ്ഥിരതാ വാരം...

അബുദാബി ഹൈഡ്രജൻ നേതൃത്വം ത്വരിതപ്പെടുത്തുന്നതിന് മുബഡാല, അഡ്‌നോക്, എഡിക്യു സഖ്യം

അബുദാബി, ജനുവരി 17, 2021 (WAM) -- അബുദാബി ഹൈഡ്രജൻ അലയൻസ് (ദ അലയൻസ്) സ്ഥാപിക്കുന്നതിനായി മുബഡാല ഇൻവെസ്റ്റ്‌മെന്റ് കമ്പനി (മുബഡാല), അബുദാബി നാഷണൽ ഓയിൽ കമ്പനി (അഡ്നോക്), എ.ഡി.ക്യു എന്നിവർ ധാരണാപത്രത്തിൽ ഒപ്പുവെച്ചു. വളർന്നുവരുന്ന അന്താരാഷ്ട്ര വിപണികളിൽ കുറഞ്ഞ കാർബൺ, ഗ്രീൻ, ബ്ലൂ ഹൈഡ്രജൻ എന്നിവയുടെ നേതൃസ്ഥാനത്ത് അബുദാബിയെ സ്ഥാപിക്കാൻ അലയൻസ് പങ്കാളികൾ സഹകരിക്കും. യുഎഇയിൽ ഗണ്യമായ തോതിൽ ഹരിത ഹൈഡ്രജൻ സമ്പദ്‌വ്യവസ്ഥ കെട്ടിപ്പടുക്കുന്നതിനും അവർ ഒരുമിച്ച് പ്രവർത്തിക്കും. കരാറിലെ വ്യവസ്ഥകൾ‌ പ്രകാരം ഈ സഖ്യം യൂട്ടിലിറ്റികൾ, മൊബിലിറ്റി, വ്യവസായം തുടങ്ങിയ പ്രധാന മേഖലകളിൽ ഹൈഡ്രജൻ ഉപഭോഗം ത്വരിതപ്പെടുത്തുന്നതിന് ഒരു റോഡ്മാപ്പ് വികസിപ്പിക്കും. മുബഡാല, അഡ്നോക്, എ‌ഡി‌ക്യു എന്നിവയും അബുദാബിയെ വിശ്വസനീയവും സുരക്ഷിതവുമായ ഹൈഡ്രജന്റെ വിതരണക്കാരാക്കി മാറ്റുന്നതിനായി പരിശ്രമിക്കും. ഒരു വെർച്വൽ ചടങ്ങിനിടെ യുഎഇയിലെ വ്യവസായ, നൂതന സാങ്കേതിക...

മലേഷ്യയ്ക്ക് അടിയന്തിര വെള്ളപ്പൊക്ക ദുരിതാശ്വാസവുമായി യുഎഇ

അബുദാബി, ജനുവരി 09, 2021 (WAM) -- മലേഷ്യയിലെ പഹാംഗ് സംസ്ഥാനത്തെ ബാധിച്ച വെള്ളപ്പൊക്കത്തിൽ ദുരിതമനുഭവിക്കുന്നവർക്ക് യുണൈറ്റഡ് അറബ് എമിറേറ്റ്സ് അടിയന്തിര സഹായം നൽകി. അബുദാബിയിലെ കിരീടാവകാശിയും യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ, അൽ ധഫ്ര മേഖലയിലെ ഭരണാധികാരിയുടെ പ്രതിനിധിയും എമിറേറ്റ്സ് റെഡ് ക്രസന്റ് (ഇആർസി) ചെയർമാനുമായ ഹിസ് ഹൈനസ് ഷെയ്ഖ് ഹംദാൻ ബിൻ സായിദ് അൽ നഹ്യാൻ എന്നിവരുടെ നിർദ്ദേശ പ്രകാരമാണ് ഈ നടപടി. എമിറേറ്റ്സ് റെഡ് ക്രസന്റ് നടപ്പിലാക്കുന്ന സഹായ പദ്ധതിയുടെ ആദ്യ ഘട്ടത്തിൽ വലിയ അളവിൽ മെഡിക്കൽ, ഭക്ഷ്യവസ്തുക്കൾ, പാർപ്പിട സാമഗ്രികൾ എന്നിവ എത്തിക്കും. ഇത് ദുരിതബാധിതരായ 50,000 ത്തിലധികം ആളുകൾക്ക് പ്രയോജനം ചെയ്യും. വെള്ളപ്പൊക്കത്തിൽ ദുരിതമനുഭവിക്കുന്നവർക്ക് സഹായം നൽകുന്നത് വേഗത്തിലാക്കുന്നതിനുമുള്ള...
ദുബായ് ആസ്ഥാനമായുള്ള സ്റ്റാൻഫോർഡ് മറൈൻ ഗ്രൂപ്പിന്റെ 1.13 ബില്യൺ യുഎഇ ദിർഹത്തിന്റെ ബാധ്യത ഷുവ ക്യാപിറ്റൽ വാങ്ങി
FAB 500 മില്യൺ യുഎസ് ഡോളറിന്റെ പഞ്ചവത്സര സുകുക് പുറത്തിറക്കി
ഇന്തോനീഷ്യയിൽ വിമാനാപകടത്തിൽ കൊല്ലപ്പെട്ടവർക്ക് യുഎഇയുടെ അനുശോചനം
സോഷ്യൽ മീഡിയയിൽ ‘#TogetherWeRecover’ ഹാഷ്‌ടാഗ് പ്രചരിപ്പിച്ച് യുഎഇ നിവാസികൾ
ഹാൻകുക്ക് 24Hന് ദുബായ് ചൊവ്വാഴ്ച ആതിഥ്യം വഹിക്കുന്നു
WAM ഫീച്ചർ: ആഴക്കടലിലെ ഗൃഹാതുര ഓർമകളുടെ പവിഴപ്പെട്ടി അബ്ദുള്ള തുറന്നപ്പോൾ

ലോക വാർത്ത

'മൊറോക്കൻ സഹാറയ്ക്ക് മേൽ കിങ്ഡം ഓഫ് മൊറോക്കോയുടെ പരമാധികാരത്തിനുള്ള പിന്തുണ ഞങ്ങൾ വീണ്ടും ഉറപ്പിക്കുന്നു': അബ്ദുല്ല ബിൻ സായിദ്

അബുദാബി, ജനുവരി 15, 2021 (WAM) -- മൊറോക്കൻ സഹാറയിലെ മുഴുവൻ പ്രദേശങ്ങളിന്മേലും കിങ്ഡം ഓഫ് മൊറോക്കോയ്ക്കുള്ള പരമാധികാരത്തെ പിന്തുണയ്ക്കുന്ന കാര്യത്തിൽ യുഎഇയുടെ ഉറച്ചതും തത്വാധിഷ്ഠിതവുമായ നിലപാട് വിദേശകാര്യ, അന്താരാഷ്ട്ര സഹകരണ മന്ത്രി ഹിസ് ഹൈനസ് ഷെയ്ഖ് അബ്ദുല്ല ബിൻ സായിദ് അൽ നഹ്യാൻ ആവർത്തിച്ചു. പ്രദേശത്തിന്റെ സമഗ്രതയെയും അവിടുത്തെ പൗരന്മാരെയും സംരക്ഷിക്കാൻ രാജ്യം സ്വീകരിക്കുന്ന എല്ലാ നടപടികളോടുമുള്ള പിന്തുണയും അദ്ദേഹം അറിയിച്ചു. മൊറോക്കൻ സഹാറയ്ക്കു വേണ്ടിയുള്ള കിങ്ഡം ഓഫ് മൊറോക്കോയുടെ സ്വയംഭരണാധികാര പ്രമേയത്തെ പിന്തുണച്ച് യുഎസും മൊറോക്കോ രാജ്യവും ചേർന്ന് സംഘടിപ്പിച്ച മിനിസ്റ്റീരിയൽ വീഡിയോ കോൺഫറൻസിനെ അഭിസംബോധന ചെയ്തപ്പോഴാണ് ഷെയ്ഖ് അബ്ദുല്ല ഈ പരാമർശങ്ങൾ നടത്തിയത്. മൊറോക്കൻ വിദേശകാര്യ മന്ത്രി നാസർ ബൊറിറ്റ യോഗത്തിൽ അധ്യക്ഷത വഹിച്ചു. യുഎസ് വിദേശകാര്യ സെക്രട്ടറിയുടെ അസിസ്റ്റന്റ് ഡേവിഡ് ഷെങ്കറുടെ സാന്നിധ്യത്തിൽ നിരവധി...

WAM ഫീച്ചർ: ആഴക്കടലിലെ ഗൃഹാതുര ഓർമകളുടെ പവിഴപ്പെട്ടി അബ്ദുള്ള തുറന്നപ്പോൾ

ബിൻസാൽ അബ്ദുൾകാദർ തയ്യാറാക്കിയത്: അബുദാബി, ജനുവരി 12, 2021 (WAM) -- ജാസിം അബ്ദുള്ള തന്റെ പവിഴപ്പെട്ടി തുറക്കുമ്പോൾ സന്ദർശകർ അവസാനിക്കാത്ത കഥകളുടെ മായികലോകത്തെത്തുന്നു. 61കാരനായ ഈ എമിറാത്തി തന്റെ യൌവനകാലത്ത് പവിഴം മുങ്ങിയെടുക്കുന്ന ജോലി ചെയ്തിരുന്നു. ആഴക്കടലിലേക്ക് പവിഴം തേടിയുള്ള സാഹസിക യാത്രകളുടെ ഗൃഹാതുര ഓർമകൾ എമ്പാടുമുണ്ട് അദ്ദേഹത്തിന്റെ പക്കൽ. "ആഴക്കടലിലേക്കുള്ള മുങ്ങാങ്കുഴിയിടലുകളെല്ലാം തന്നെ വെല്ലുവിളികൾ നിറഞ്ഞവയായിരുന്നു. അവ അത്രകണ്ട് ആസ്വദിക്കുകയും ചെയ്തിരുന്നു. ചെറിയ ആഴങ്ങളിലേക്ക് മുങ്ങാങ്കുഴിയിടുന്നത് എനിക്ക് വലിയ ത്രില്ലുള്ള കാര്യമായിരുന്നില്ല," അബ്ദുള്ള ഓർത്തെടുക്കുന്നു. അന്ന് തന്നെ ത്രില്ലടിപ്പിച്ച കാലമൊന്നും തിരികെ വരില്ലെന്നറിയാം അബ്ദുള്ളയ്ക്ക്. എന്നാൽ, യുനൈറ്റഡ് അറബ് എമിറേറ്റ്സിലെ നിരവധിയായ മുൻതലമുറകളെ പോറ്റിയിരുന്ന പവിഴവേട്ടയെക്കുറിച്ച് പുതിയ തലമുറ അറിയണമെന്നുണ്ട് അദ്ദേഹത്തിന്. "അതുകൊണ്ടു തന്നെയാണ് ഈ പവിഴപ്പെട്ടി ഞാൻ ഒരു നിധിപോലെ കൊണ്ടുനടക്കുന്നത്. ഞാൻ ഈ പെട്ടി...

ഇന്തോനീഷ്യയിൽ വിമാനാപകടത്തിൽ കൊല്ലപ്പെട്ടവർക്ക് യുഎഇയുടെ അനുശോചനം

അബുദാബി, ജനുവരി 11, 2021 (WAM) -- ശനിയാഴ്ച ശ്രീവിജയ വ്യോമ വിമാനം തകർന്ന് നിരവധി പേർ കൊല്ലപ്പെട്ട സംഭവത്തിൽ റിപ്പബ്ലിക് ഓഫ് ഇന്തോനേഷ്യയിലെ സഹോദരങ്ങളെ യുണൈറ്റഡ് അറബ് എമിറേറ്റ്സ് അനുശോചനം അറിയിച്ചു. ഈ വിഷമഘട്ടത്തിൽ ഇന്തോനേഷ്യൻ ജനതയോടും സർക്കാരിനോടും യുഎഇ വിദേശകാര്യ, അന്താരാഷ്ട്ര സഹകരണ മന്ത്രാലയം തങ്ങളുടെ അനുതാപം പ്രകടിപ്പിച്ചു. ഇരകളുടെ കുടുംബങ്ങളോട് മന്ത്രാലയം അനുശോചനം അറിയിക്കുകയും സംഭവത്തിൽ ദുരിതമനുഭവിക്കുന്ന എല്ലാവരോടുമുള്ള ഐക്യപ്പെടൽ ആവർത്തിച്ച് വ്യക്തമാക്കുകയും ചെയ്തു. WAM/Ambily https://www.wam.ae/en/details/1395302900660

ചെറുകിട-ഇടത്തരം സംരംഭങ്ങൾക്ക് പണലഭ്യത ഉറപ്പാക്കാൻ 6 ബില്ല്യൺ ദിർഹത്തിന്റെ സപ്ലൈ ചെയിൻ ഫിനാൻസിംഗ് സംരംഭവുമായി അബുദാബി ധനകാര്യ വകുപ്പ്

അബുദാബി, ജനുവരി 17, 2021 (WAM) -- ചെറുകിട, ഇടത്തരം സംരംഭങ്ങളെ (എസ്‌എം‌ഇ) പിന്തുണയ്ക്കുന്നതിനുള്ള പരിപാടികളുടെ ഭാഗമായി അബുദാബി ധനകാര്യവകുപ്പ് (DoF) 6 ബില്യൺ ദിർഹത്തിന്റെ സപ്ലെ ചെയിൻ ഫിനാൻസിംഗ് സംരംഭം പ്രഖ്യാപിച്ചു. വിവിധങ്ങളായ മേഖലകളിലുള്ള സംരംഭങ്ങളെ പ്രോത്സാഹിപ്പിക്കലാണ് ലക്ഷ്യം. നാഷണൽ ഹെൽത്ത് ഇൻഷുറൻസ് കമ്പനിയുമായും (ദാമൻ) ഫസ്റ്റ് അബുദാബി ബാങ്കുമായും (എഫ്എബി) സഹകരിച്ചാണ് ഈ സംരംഭത്തിന്റെ ആദ്യ ഘട്ടം നടക്കുക. ആരോഗ്യമേഖലയിലെ ചെറുകിട-ഇടത്തരം സംരംഭങ്ങൾക്ക് പണലഭ്യത ഉറപ്പാക്കുകയെന്നതാണ് ഇതിന്റെ ലക്ഷ്യം. ഗദാൻ 21 ന്റെ എസ്‌എം‌ഇ ക്രെഡിറ്റ് ഗ്യാരണ്ടി സ്കീമിൻറെ ധനസഹായത്തോടെയാണ് ഈ പദ്ധതി നടപ്പാക്കുക. കോവിഡ് കാലത്തും അതിനുശേഷവും എസ്‌എം‌ഇകളെ നിലനിർത്തുന്നതിനും പിന്തുണയ്ക്കുന്നതിനുമുള്ള അബുദാബിയുടെ പ്രതിബദ്ധതയുടെ തെളിവാണിത്. മറ്റ് ബാങ്കുകളെയും ഇതര മേഖലകളെയും ഉൾക്കൊള്ളുന്നതിനു മുമ്പായി ആരോഗ്യമേഖലയിലെ എസ്‌എം‌ഇകളെയാണ് ഇത് തുടക്കത്തിൽ പിന്തുണയ്ക്കുക. ഈ സംരംഭം SME-കൾക്ക്...

ഇന്ധന അമോണിയ , കാർബൺ റീസൈക്ലിങ് സാങ്കേതികവിദ്യകളിൽ യുഎഇയും ജപ്പാനും സഹകരിക്കുന്നു

അബുദാബി, ജനുവരി 14, 2021 (WAM) -- ഇന്ധന അമോണിയ , കാർബൺ റീസൈക്ലിംഗ് സാങ്കേതികവിദ്യകളിൽ സഹകരിച്ച് പ്രവർത്തിക്കാൻ യുണൈറ്റഡ് അറബ് എമിറേറ്റ്സും ജപ്പാനും ധാരണയായി. അബുദാബി നാഷണൽ ഓയിൽ കമ്പനിയും (ADNOC) ജപ്പാനിലെ സാമ്പത്തിക, വാണിജ്യ, വ്യവസായ മന്ത്രാലയവും തമ്മിൽ ഇത് സംബന്ധിച്ച കരാറിൽ ഒപ്പുവെച്ചു. കാർബൺ ‌വമനം കുറയ്ക്കുന്നതിന് വാണിജ്യപരമായി സാധ്യമായ പുതിയ സാങ്കേതികവിദ്യകൾ ഉപയോഗപ്പെടുത്താനുള്ള യുഎഇയുടെയും ജപ്പാന്റെയും താൽപര്യത്തെയാണ് ഈ കരാർ ഉയർത്തിക്കാട്ടുന്നത്. ഭാവിയിൽ ഹൈഡ്രജൻ സമ്പദ്‌വ്യവസ്ഥയെ പ്രാപ്‌തമാക്കുന്നതിൽ അമോണിയ ഒരു പ്രധാന പങ്ക് വഹിക്കും. കൂടാതെ ഒരു ഹൈഡ്രജൻ കാരിയറായും സീറോ-എമിഷൻ ഇന്ധനമായും ഇതിന് പ്രവർത്തിക്കാനാകും. യുഎഇയുടെ ജപ്പാനിലേക്കുള്ള വെർച്വൽ ബിസിനസ് യാത്രയ്ക്കിടെ വ്യവസായ, നൂതന സാങ്കേതിക മന്ത്രിയും ADNOC ഗ്രൂപ്പ് സിഇഒയുമായ ഡോ. സുൽത്താൻ അഹമ്മദ് അൽ ജാബറും ജപ്പാനിലെ സാമ്പത്തിക, വാണിജ്യ...

FAB 500 മില്യൺ യുഎസ് ഡോളറിന്റെ പഞ്ചവത്സര സുകുക് പുറത്തിറക്കി

അബുദാബി, ജനുവരി 11, 2021 (WAM) -- MENA ബാങ്കുകളുടെ യുഎസ് ഡോളറിലുള്ള ഏതൊരു പഞ്ചവത്സര ബോണ്ടുകളെക്കാളും കുറഞ്ഞ യീൽഡുള്ള ബോണ്ടുകൾ ഫസ്റ്റ് അബുദാബി ബാങ്ക് (FAB) പുറത്തിറക്കി. MS+90bpsലാണ് (മൊത്തം യീൽഡ് 1.411 ശതമാനം) എഫ്എബി സുകുക് കമ്പനി ലിമിറ്റഡിലൂടെ സുകുക് ബോണ്ടുകൾ പുറത്തിറക്കിയിരിക്കുന്നത്. എഫ്എബിയുടെ യുഎസ് ഡോളറിലുള്ള ആദ്യത്തെ സുപ്രധാന ഓഫറും 2021ൽ ആഗോളതലത്തിൽ ആദ്യമായി പുറത്തിറക്കപ്പെടുന്ന സുകുക്ക് പതിപ്പുമാണിത്. ഈ ഓഫർ വളരെ വിജയകരമായിരുന്നു. ഏകദേശം 1.5 ബില്യൺ യുഎസ് ഡോളറിന്റെ ആവശ്യക്കാരെത്തി. ഇത് സബ്സ്ക്രിപ്ഷൻ നിരക്കിന്റെ മൂന്ന് മടങ്ങാണ്. മിഡിൽ ഈസ്റ്റ്, ഏഷ്യ, യുകെ, യൂറോപ്പ് എന്നിവിടങ്ങളിൽ നിന്നുള്ള ഉയർന്ന നിലവാരമുള്ള ഇസ്ലാമിക, പരമ്പരാഗത നിക്ഷേപകരെയും ഈ കരാർ ആകർഷിച്ചു. എം‌എസ് + 90 ബേസ് പോയിന്റ്സിൽ നടന്ന ഡീൽ പ്രീമിയം നിരക്കാണെന്ന് പറയാം....

ദുബായ് ആസ്ഥാനമായുള്ള സ്റ്റാൻഫോർഡ് മറൈൻ ഗ്രൂപ്പിന്റെ 1.13 ബില്യൺ യുഎഇ ദിർഹത്തിന്റെ ബാധ്യത ഷുവ ക്യാപിറ്റൽ വാങ്ങി

ദുബായ്, ജനുവരി 10, 2021 (WAM) -- സ്റ്റാൻ‌ഫോർഡ് മറൈൻ ഗ്രൂപ്പിന്റെ1.13 ബില്ല്യൺ യുഎഇ ദിർഹത്തിന്റെ (308 ദശലക്ഷം യുഎസ് ഡോളർ) ബാധ്യത വാങ്ങുന്ന പ്രക്രിയ വിജയകരമായി പൂർത്തിയാക്കിയതായി ഷുവാ ക്യാപിറ്റൽ പ്രഖ്യാപിച്ചു. ബന്ധപ്പെട്ട ബാങ്കുകളുൾപ്പെടെ എല്ലാ കക്ഷികളെയും തൃപ്തരാക്കിയ ഇടപാടാണ് ഷുവ ക്യാപിറ്റൽ നടത്തിയത്. മധ്യേഷ്യയിലെ ഏറ്റവും പ്രധാനപ്പെട്ടതും വൈവിധ്യപൂർണ്ണവുമായ ഓഫ്‌ഷോർ സേവന കമ്പനികളിലൊന്നാണ് എസ്എംജി. ചാർട്ടറിങ്, എണ്ണ, ഗ്യാസ് വ്യവസായങ്ങൾക്കായുള്ള ഓഫ്ഷോർ സപ്പോർട്ട് യാനങ്ങളുടെ നിർമാണവും റിപ്പയറിങ്ങുമെല്ലാണ് ഈ കമ്പനിയുടെ പ്രവർത്തനമേഖല. 2019 മുതൽ, ഷുവാ ക്യാപിറ്റൽ എല്ലാ കക്ഷികളുടെയും താൽപര്യങ്ങൾ നിറവേറ്റുന്ന ഒരു വാങ്ങൽ ഇടപാടിൽ എത്തിച്ചേരാൻ എസ്എംജിയുടെ വായ്പാ സിൻഡിക്കേറ്റും അവരുടെ ഉപദേശകരും പ്രവർത്തിച്ചു വരികയായിരുന്നു. എസ്‌എം‌ജിയുടെ ലിക്വിഡിറ്റി പൊസിഷനെ ശക്തിപ്പെടുത്തുന്ന ഒരു പുനസ്സംഘടനയാണ് നടന്നിരിക്കുന്നത്. കടം ഏറ്റെടുക്കലിനു പിന്നാലെ, എസ്എംജി വളർച്ചയിലേക്ക് പ്രതീക്ഷ...