തിങ്കളാഴ്ച 12 ഏപ്രിൽ 2021 - 10:56:08 pm

എക്‌സ്‌ക്ലൂസീവ്: ചൈനയും യുഎഇയും ‘വില താങ്ങാനാവുന്ന’ വാക്‌സിനുകളുടെ ഉത്പാദനത്തിനും, അന്താരാഷ്ട്ര യാത്ര സുഗമമാക്കാനും സംവിധാനം ഏർപ്പെടുത്തുന്നതായി വിദേശകാര്യ മന്ത്രി


ബിൻസൽ അബ്ദുൾകാദർ തയ്യാറാക്കിയത്: അബുദാബി, മാർച്ച് 27, 2021 (WAM) - കോവിഡ് -19 വാക്‌സിനുകൾ സംയുക്തമായി ഉൽ‌പാദിപ്പിച്ച് എല്ലാവർക്കും താങ്ങാനാകുന്ന വിലയിൽ ലഭ്യമാക്കുന്നതിനായി യുഎഇയുമായി ചേർന്ന് പ്രവർത്തിക്കാൻ ചൈന ആഗ്രഹിക്കുന്നുവെന്ന് ചൈനീസ് വിദേശകാര്യമന്ത്രി എമിറേറ്റ്സ് ന്യൂസ് ഏജൻസിയോട് (WAM) പറഞ്ഞു.

പാൻഡെമിക്കെതിരെ, പ്രത്യേകിച്ച് മിഡിൽ ഈസ്റ്റേൺ, ആഫ്രിക്കൻ രാജ്യങ്ങളുമായി ചേർന്ന് പോരാടുന്നതിന് ബഹുരാഷ്ട്ര സഹകരണം വികസിപ്പിക്കാനും ജനങ്ങളുടെ യാത്ര സുഗമമാക്കുന്നതിന് ഒരു അന്താരാഷ്ട്ര സംവിധാനം സ്ഥാപിക്കാനും സംയുക്ത ശ്രമങ്ങൾക്ക് കഴിയുമെന്ന് ചൈനീസ് വിദേശകാര്യ മന്ത്രി വാങ് യി ശനിയാഴ്ച ഒരു പ്രത്യേക അഭിമുഖത്തിൽ കൂട്ടിച്ചേർത്തു.

പ്രാദേശിക പര്യടനത്തിന്റെ ഭാഗമായി രണ്ട് ദിവസത്തെ ഔദ്യോഗിക സന്ദർശനത്തിനായി അദ്ദേഹം ശനിയാഴ്ച വൈകുന്നേരം ഇറാനിൽ നിന്ന് അബുദാബിയിൽ എത്തി. സന്ദർശന വേളയിൽ ഉന്നതതല എമിറാത്തി ഉദ്യോഗസ്ഥരുമായി അദ്ദേഹം കൂടിക്കാഴ്ച നടത്തും.

സംയുക്ത വാക്സിൻ ഉത്പാദനം ത്വരിതപ്പെടുത്തുന്നു ഇരുരാജ്യങ്ങളും തമ്മിലുള്ള സഹകരണം തുടരുന്നതിന് യുഎഇയുമായി ചേർന്ന് പ്രവർത്തിക്കുന്നു എന്ന് ചൈന ഉറപ്പാക്കുന്നുവെന്ന് ഞാൻ പറയാൻ ആഗ്രഹിക്കുന്നു. ആദ്യം, വാക്സിനുകൾ ഉഭയകക്ഷി ഉൽപാദനം വേഗത്തിലാക്കാൻ ഞങ്ങൾ പ്രവർത്തിക്കും. അവ ലഭ്യമാണ്, താങ്ങാനാവുന്നതുമാണ്." അദ്ദേഹം പറഞ്ഞു.

ലോകത്തിലെ ആദ്യത്തെ നിർജ്ജീവ COVID-19 വാക്സിൻ മൂന്നാം ഘട്ട ക്ലിനിക്കൽ പരീക്ഷണങ്ങൾ നടത്തുന്നതിൽ ഇരു പാർട്ടികളും വിജയിച്ചതിനാൽ ചൈനയും യുഎഇയും തമ്മിലുള്ള സഹകരണം പുതിയ ഘട്ടത്തിലേക്ക് കടന്നതായി വിദേശകാര്യ മന്ത്രി ചൂണ്ടിക്കാട്ടി.

2020 ജൂൺ 23 ന് രാജ്യത്ത് ക്ലിനിക്കൽ ട്രയൽ ആരംഭിച്ചതിന് ശേഷം 2020 ഡിസംബർ 9 ന് ചൈനീസ് നിർമ്മിത സിനോഫാം വാക്സിൻ അംഗീകരിച്ച ലോകത്തിലെ ആദ്യത്തെ രാജ്യമാണ് യുഎഇ എന്ന വസ്തുതയെ പരാമർശിക്കുകയായിരുന്നു അദ്ദേഹം.

"ഈ ശ്രമങ്ങൾ ചൈനീസ്, യുഎഇ ജനതയ്ക്ക് മാത്രമല്ല, ലോകമെമ്പാടും പകർച്ചവ്യാധിക്കെതിരായ പോരാട്ടത്തിനും ഗുണം ചെയ്തു," അദ്ദേഹം പറഞ്ഞു. കോവിഡ് -19 പാൻഡെമിക് സമയത്ത് യുഎഇയും ചൈനയും തമ്മിലുള്ള സഹകരണം ഇരു രാജ്യങ്ങളും തമ്മിലുള്ള ആഴമായ വിശ്വാസത്തെ പ്രതീകവൽക്കരിക്കുന്നതാണ്.

ബഹുരാഷ്ട്ര സഹകരണവും അന്താരാഷ്ട്ര യാത്രാ സംവിധാനവും യു‌എഇയുമായുള്ള സഹകരണത്തിന്റെ രണ്ടാം വശത്തെക്കുറിച്ച് സംസാരിച്ച ചൈനീസ് ഉന്നത നയതന്ത്രജ്ഞൻ, "പകർച്ചവ്യാധികൾക്ക് എതിരെ പോരാടുന്നതിന് ബഹുരാഷ്ട്ര സഹകരണം വികസിപ്പിക്കുന്നതിനുള്ള വഴികൾ കണ്ടെത്താൻ ഞങ്ങൾ പ്രവർത്തിക്കും, പ്രത്യേകിച്ചും വാക്സിനുകളുടെ കാര്യത്തിൽ മിഡിൽ ഈസ്റ്റേൺ, ആഫ്രിക്കൻ രാജ്യങ്ങളുമായി സഹകരിക്കുന്നതിന്."

വൈറസ് വ്യാപനം തടയുന്നതിനുള്ള മുൻകരുതൽ നടപടികളുടെ ഭാഗമായി ആളുകളുടെ യാത്ര സുഗമമാക്കുന്ന തരത്തിൽ വാക്സിനേഷൻ സർട്ടിഫിക്കറ്റുകൾ കൈമാറുന്നതിനുള്ള ഒരു അന്താരാഷ്ട്ര സംവിധാനം സ്ഥാപിക്കുന്നതിന് ഈ സംവിധാനം ചേർന്ന് പ്രവർത്തിക്കുമെന്ന് യി വെളിപ്പെടുത്തി.

യുഎഇയുടെ പ്രതീകാത്മക ഐക്യദാർഢ്യം ചൈനക്കാരുടെ ഹൃദയങ്ങളെ സ്പർശിച്ചു.

"ചൈനയും യുഎഇയും തമ്മിലുള്ള ഉഭയകക്ഷി ശ്രമങ്ങൾ കാരണം, പാൻഡെമിക്കിനെതിരെ പോരാടുന്നതിൽ കൂടുതൽ മെച്ചപ്പെട്ട ഫലങ്ങൾ ഉണ്ടാകുമെന്ന് ഞങ്ങൾക്ക് ഉറപ്പുണ്ട്. അത് ശക്തമായ അന്താരാഷ്ട്ര ഐക്യത്തിനും കാരണമാകും." മന്ത്രി ഊന്നിപ്പറഞ്ഞു.

പകർച്ചവ്യാധി സമയത്ത് യുഎഇ ചൈനയുമായി ഐക്യദാർഢ്യം പ്രകടിപ്പിച്ചതിനെ യി അഭിനന്ദിച്ചു.

"ഉദാഹരണത്തിന്, ശക്തമായി തുടരുക, വുഹാൻ" പോലുള്ള പ്രോത്സാഹജനകമായ വാചകം ബുർജ് ഖലീഫയിൽ ദീപാലങ്കാരത്താൽ പ്രകടിപ്പിച്ചു. കൂടാതെ, ചൈനയുടെ ദേശീയ അനുശോചന ദിനത്തിൽ [COVID-19 ഇരകൾക്കു വേണ്ടിയുള്ള] 2020 ഏപ്രിൽ 4 ന്, ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് ചൈനീസ്, ഇംഗ്ലീഷ്, അറബിക് ഭാഷകളിൽ ട്വിറ്ററിൽ തന്റെ ഔദ്യോഗിക അക്കൗണ്ടിൽ ചൈനീസ് രക്തസാക്ഷികൾക്കും ഇരകൾക്കും അനുശോചനം രേഖപ്പെടുത്തിക്കൊണ്ട് ട്വീറ്റ് ചെയ്തു. ഇത് ചൈനീസ് ജനതയുടെ ഹൃദയത്തിൽ വലിയ സ്വാധീനം ചെലുത്തി.

രണ്ട് രാജ്യങ്ങൾ തമ്മിലുള്ള വലിയ ഐക്യം "ഈ സന്ദർശന വേളയിൽ ഞാൻ എമിറാത്തി ഉദ്യോഗസ്ഥരുമായി കൂടിക്കാഴ്ച നടത്തും. ഇരുരാജ്യങ്ങളും തമ്മിലുള്ള വലിയ ഐക്യം ചർച്ചചെയ്യും. ഒരു പുതിയ വികസന സമവാക്യം സ്ഥാപിക്കാനുള്ള ചൈനയുടെ ശ്രമങ്ങളും യുഎഇയുടെ അടുത്ത 50 വർഷത്തെ വികസന നയവും തമ്മിലുള്ള സഹകരണം ഞങ്ങൾ മെച്ചപ്പെടുത്തും." യി വിശദീകരിച്ചു.

"പശ്ചിമേഷ്യയിലും ഗൾഫിലും സമാധാനവും സുസ്ഥിരതയും കാത്തുസൂക്ഷിക്കുന്നതിനായി യുഎഇയുമായുള്ള ആശയവിനിമയവും സഹകരണവും ഞങ്ങൾ കൂടുതൽ ശക്തമാക്കും. മേഖലാപരമായ കാര്യങ്ങളിൽ യുഎഇയുടെ ഫലപ്രദവും ക്രിയാത്മകവുമായ പങ്ക് ഞങ്ങൾ സ്വാഗതം ചെയ്യുന്നു."

യുഎഇ ചൈനയിലെ അറിയപ്പെടുന്ന രാജ്യമാണ്. പാരമ്പര്യങ്ങൾ, സഹിഷ്ണുത, സഹവർത്തിത്വം, തുറന്ന നില എന്നിവ നിലനിർത്തിക്കൊണ്ട് ഈ രാജ്യം സ്വയം നവീകരിച്ച രീതിയെ ചൈനക്കാർ വിലമതിക്കുന്നു, വിദേശകാര്യ മന്ത്രി അഭിപ്രായപ്പെട്ടു.

മിഡിൽ ഈസ്റ്റ്, ഗൾഫ്, അറബ്, മുസ്ലീം ലോകത്തെ ചൈനയുടെ ഉറ്റ ചങ്ങാതിയാണ് യുഎഇ. അന്താരാഷ്ട്ര കാര്യങ്ങളുമായി ബന്ധപ്പെടുന്നതും സഹകരിക്കുന്നതും ചൈനയുടെ ഒരു നല്ല സുഹൃത്ത് എന്ന നിലയിലാണ്. ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം കൂടുതൽ ശക്തമാവുകയാണ്.

സർഗ്ഗാത്മകതയെയും പ്രായോഗികതയെയും കേന്ദ്രീകരിച്ചുള്ള ബന്ധങ്ങൾ ചിൻസെ പ്രസിഡന്റ് സിൻ ജിൻപിങ്ങും അബുദാബിയിലെ കിരീടാവകാശി ഹിസ് ഹൈനസ് ഷെയ്ഖ് മുഹമ്മദ് ബിൻ സായിദ് അൽ നഹ്യാനും തമ്മിലുള്ള വിജയകരമായ സന്ദർശനങ്ങളും കൂടിക്കാഴ്ചകളും ശക്തമായ രാഷ്ട്രീയ വിശ്വാസത്തെ പ്രതിഫലിപ്പിക്കുന്നു, യി പറഞ്ഞു.

"ഇരു രാജ്യങ്ങളുടെയും നിർണായക ദേശീയ താൽപ്പര്യങ്ങൾക്കുള്ള സ്ഥിരമായ ഉഭയകക്ഷി പിന്തുണയും പ്രയാസകരമായ സമയങ്ങളിൽ കാണിക്കുന്ന ഐക്യദാർഢ്യവും സമഗ്രമായ തന്ത്രപരമായ പങ്കാളിത്തത്തിന്റെ അർത്ഥം യഥാർത്ഥത്തിൽ ഉൾക്കൊള്ളുന്നു," അദ്ദേഹം വിശദീകരിച്ചു.

ചൈനയും യുഎഇയും തമ്മിലുള്ള സഹകരണം എല്ലായ്പ്പോഴും സർഗ്ഗാത്മകതയെയും പ്രായോഗികതയെയും സംബന്ധിച്ചതാണ്, മന്ത്രി ഉറപ്പിച്ചു പറഞ്ഞു. "കോവിഡ് -19 വാക്സിനുകൾ, പരമ്പരാഗത ഊർജ്ജം, സമ്പദ്‌വ്യവസ്ഥ, വ്യാപാരം, നിക്ഷേപം, 5 ജി, ബിഗ് ഡാറ്റ, എഐ, മറ്റ് ഹൈടെക് ഉപകരണങ്ങൾ, ഇൻഫ്രാസ്ട്രക്ചർ എന്നിവയിൽ ഞങ്ങൾ ഒരുമിച്ച് സഹകരിക്കുന്നു."

"ഇരു രാജ്യങ്ങളും എല്ലായ്പ്പോഴും അവരുടെ സഹകരണം ശക്തിപ്പെടുത്താനും പുതിയ വഴികൾ തുറക്കാനും ആഗ്രഹിക്കുന്നു, അത് രണ്ട് രാജ്യത്തെയും ജനങ്ങൾക്കും പ്രയോജനപ്പെടും," അദ്ദേഹം തുടർന്നു.

പൗരന്മാർ തമ്മിലുള്ള ബന്ധം 220,000 ചൈനീസ് പൗരന്മാർ യുഎഇയിൽ താമസിക്കുന്നു. 2019 ൽ ഏകദേശം 20 ദശലക്ഷം ചൈനീസ് വിനോദസഞ്ചാരികൾ യുഎഇ സന്ദർശിച്ചു, ജനങ്ങളുമായുള്ള ബന്ധം ഇരു രാജ്യങ്ങളും തമ്മിലുള്ള സൗഹൃദത്തിന്റെ പാലമായി മാറിയെന്നും മന്ത്രി വെളിപ്പെടുത്തി.

നിലവിലെ പാൻഡെമിക്, മുൻകരുതൽ നടപടികളുടെ നിയന്ത്രണം പുരോഗമിച്ചുകൊണ്ടിരിക്കെ, ദുബായ് എക്സ്പോ ആസന്നമാകുമ്പോൾ, യുഎഇ ഇപ്പോഴും ചൈനീസ് വിനോദ സഞ്ചാരികളുടെ പ്രധാന ലക്ഷ്യസ്ഥാനമായിരിക്കുമെന്ന് ഞങ്ങൾക്ക് ഉറപ്പുണ്ട്." അദ്ദേഹം പറഞ്ഞു.

WAM/Ambily http://wam.ae/en/details/1395302921907

WAM/Malayalam