ശനിയാഴ്ച 17 ഏപ്രിൽ 2021 - 10:08:10 am
Wed 07-04-2021 14:11 PM
അബുദാബി, ഏപ്രില്‍ 7, 2021 (WAM) - ഫെഡറല്‍ നാഷണല്‍ കൗണ്‍സിലിന്റെ (FNC) ''യുഎഇ-നിക്കരാഗ്വ പാര്‍ലമെന്ററി ഫ്രണ്ട്ഷിപ്പ് കമ്മിറ്റി'' അതിൻ്റെ ആദ്യ റിമോട്ട് മീറ്റിംഗ് നിക്കരാഗ്വന്‍ പാര്‍ലമെൻ്റുമായി നടത്തി.
യുഎഇയുടെയും നിക്കരാഗ്വയുടെയും പാര്‍ലമെന്റുകള്‍ തമ്മിലുള്ള ഉഭയകക്ഷി ബന്ധം വികസിപ്പിക്കുന്നതിനുള്ള വഴികളും പരസ്പര ആശങ്കയുള്ള വിഷയങ്ങളില്‍ എങ്ങനെ ഏകോപിപ്പിക്കാമെന്നും യോഗത്തില്‍ ചര്‍ച്ച ചെയ്തു.
യുഎഇ-നിക്കരാഗ്വ പാര്‍ലമെന്ററി ഫ്രണ്ട്ഷിപ്പ് കമ്മിറ്റി അംഗങ്ങള്‍ ഒമ്പത് ദശലക്ഷത്തിലധികം ഡോസ് കൊറോണ വൈറസ് (കോവിഡ് -19) വാക്‌സിന്‍ അതിന്റെ പൗരന്മാര്‍ക്കും താമസക്കാര്‍ക്കും നല്‍കിയ, നിരവധി രാജ്യങ്ങള്‍ക്ക് വൈദ്യസഹായം വാഗ്ദാനം ചെയത യു എഇയുടെ വിജയകരമായ അനുഭവം അവതരിപ്പിച്ചു.
പകര്‍ച്ചവ്യാധിയെ പരിഹരിക്കാന്‍ തങ്ങളുടെ രാജ്യത്തിന് നല്‍കിയ സഹായത്തിന് നിക്കരാഗ്വന്‍ പക്ഷം യുഎഇയോട് നന്ദി പറഞ്ഞു.
യോഗത്തിന്റെ തുടക്കത്തില്‍, യുഎഇ-നിക്കരാഗ്വ പാര്‍ലമെന്ററി ഫ്രണ്ട്ഷിപ്പ് കമ്മിറ്റി മേധാവി ഡോ. താരിഖ് ഹുമൈദ് അല്‍ ടയര്‍, നിക്കരാഗ്വന്‍ പാര്‍ലമെന്റുമായുള്ള സഹകരണം ശക്തിപ്പെടുത്താനുള്ള FNCയുടെ താല്‍പര്യം എടുത്തുകാട്ടി, പരസ്പ്പര പരിഗണനയുമായി ബന്ധപ്പെട്ട കാഴ്ചപ്പാടുകളും നിലപാടുകളും ഏകീകരിക്കുന്നതില്‍ പാര്‍ലമെന്ററി ഏകോപനത്തിന്റെ പ്രാധാന്യം ഊന്നിപ്പറഞ്ഞു.
യുഎഇ-നിക്കരാഗ്വ പാര്‍ലമെന്ററി ഫ്രണ്ട്ഷിപ്പ് കമ്മിറ്റി അംഗങ്ങളും നിക്കരാഗ്വയുമായുള്ള യുഎഇയുടെ തന്ത്രപരമായ പങ്കാളിത്തം ശക്തിപ്പെടുത്തുന്നതിന്റെ പ്രാധാന്യത്തെക്കുറിച്ച് ഊന്നിപ്പറഞ്ഞു, കൂടാതെ COVID-19 പ്രതിസന്ധിയില്‍ ആരോഗ്യമേഖലയെ പിന്തുണയ്ക്കുന്നതിനൊപ്പം സാംസ്‌കാരിക സംഭാഷണവും സമൂഹങ്ങള്‍ക്കിടയില്‍ സമാധാനപരമായ സഹവര്‍ത്തിത്വവും പ്രോത്സാഹിപ്പിക്കുന്നതില്‍ പാര്‍ലമെന്റുകളുടെ പങ്ക് എടുത്തുകാട്ടി.
ഇരു രാജ്യങ്ങളിലും ലഭ്യമായ അവസരങ്ങള്‍ പര്യവേക്ഷണം ചെയ്യേണ്ടതിന്റെ പ്രാധാന്യവും എല്ലാ മേഖലകളിലുമുള്ള പങ്കാളിത്തം വൈവിധ്യവത്കരിക്കുന്നതിന് അവയില്‍ നിന്ന് പ്രയോജനം നേടുന്നതിന്റെ പ്രാധാന്യവും അവര്‍ സ്ഥിരീകരിച്ചു, പ്രത്യേകിച്ച് സാമ്പത്തിക മേഖലകളില്‍, വാണിജ്യ, നിക്ഷേപ സഹകരണം വര്‍ദ്ധിപ്പിക്കുന്നതിനും സാമ്പത്തിക വാണിജ്യ വികസനത്തിന്റെ സംയുക്ത പ്രക്രിയയില്‍ സ്വകാര്യമേഖലയുടെ പങ്കാളിത്തത്തെ പിന്തുണയ്ക്കുന്നതിനും.
പുനരുപയോഗ ഊര്‍ജ്ജം, കൃഷി, ടൂറിസം, വിദ്യാഭ്യാസം എന്നിവയിലെ യുഎഇയുടെ വിജയകരമായ അനുഭവങ്ങളും സമാധാനം, സഹിഷ്ണുത, സഹവര്‍ത്തിത്വം എന്നിവയുടെ മൂല്യങ്ങള്‍ പ്രോത്സാഹിപ്പിക്കുന്നതിനുള്ള സമീപനവും പര്യവേക്ഷണം ചെയ്യുന്നതിനുള്ള മികച്ച അവസരമാണ് കൂടിക്കാഴ്ചയെന്ന് നിക്കരാഗ്വന്‍ പാര്‍ലമെന്റ് അംഗങ്ങള്‍ പ്രസ്താവിച്ചു. COVID-19 പാന്‍ഡെമിക്കിനെ നേരിടാന്‍ വൈദഗ്ദ്ധ്യം കൈമാറ്റം ചെയ്യുന്നതിന്റെ പ്രാധാന്യവും അവര്‍ എടുത്തുപറഞ്ഞു.
എക്സ്പോ 2020 ദുബായില്‍ നിക്കരാഗ്വയുടെ പങ്കാളിത്തം ചര്‍ച്ച ചെയ്തു, ഈ പ്രധാന ആഗോള പരിപാടിയില്‍ പങ്കെടുക്കാന്‍ നിക്കരാഗ്വന്‍ പക്ഷം താല്‍പര്യം പ്രകടിപ്പിച്ചു.
WAM/Ambily http://wam.ae/en/details/1395302925176
അൻപതാം വർഷം
