വെള്ളിയാഴ്ച 12 ഓഗസ്റ്റ് 2022 - 1:01:32 am

ബാഴ്‌സലോണയിൽ നടക്കുന്ന ഐബിടിഎം വേൾഡ് 2021-ൽ ശ്രദ്ധാ കേന്ദ്രമാകാൻ അബുദാബിയുടെ എംഐസിഇ ഇൻഡസ്ട്രി


അബുദാബി, 2021 നവംബർ 30, (WAM) -- സാംസ്കാരിക, ടൂറിസം വകുപ്പിന്റെ ഭാഗമായ അബുദാബി കൺവെൻഷൻ ആൻഡ് എക്സിബിഷൻ ബ്യൂറോ (ADCEB), അബുദാബി (DCT അബുദാബി) എന്നിവ നവംബർ 30 മുതൽ ഡിസംബർ 2 വരെ സ്പെയിനിലെ ബാഴ്സലോണയിൽ നടക്കുന്ന ഐബിടിഎം വേൾഡ് 2021-ൽ എമിറേറ്റിന്റെ എംഐസിഇ വ്യവസായത്തിന്‍റെ പതാക വാഹകരായി പങ്കെടുക്കാൻ സജ്ജമായി.

മൂന്ന് ദിവസങ്ങളിലായി നൂറിലധികം രാജ്യങ്ങളിൽ നിന്നുള്ള 15,000 പ്രൊഫഷണലുകൾ കോൺഫറൻസിൽ പങ്കെടുക്കുമെന്ന് പ്രതീക്ഷിക്കുന്നു.

യുഎഇയുടെ തലസ്ഥാന നഗരമായ അബുദാബി തങ്ങളുടെ എംഐസിഇ വ്യവസായത്തിന്റെ വളർച്ച ത്വരിതപ്പെടുത്തുന്നതിന് തന്ത്രപരമായ നടപടികൾ കൈക്കൊള്ളുന്നതിനാൽ, ADCEB അതിന്റെ ലോകോത്തര സൗകര്യങ്ങൾ, വേദികൾ, ഗവേഷണ സംരംഭങ്ങൾ, വ്യവസായ അസോസിയേഷനുകളുടെ വിശാലമായ ശൃംഖല എന്നിവ പ്രോത്സാഹിപ്പിക്കുന്നതിന് ഐബിടിഎം വേൾഡ് 2021 പ്രയോജനപ്പെടുത്തും. വാക്സിനേഷൻ എടുത്ത യാത്രക്കാർക്കായി പ്രാദേശിക, അന്തർദേശീയ യാത്രകൾക്കായി എമിറേറ്റ് തുറന്നിരിക്കുന്നതിനാൽ, എംഐസിഇ ഇവന്റുകളുടെ മുൻനിര പ്രാദേശിക, ആഗോള ലക്ഷ്യസ്ഥാനമെന്ന നിലയിൽ എമിറേറ്റിന്റെ പ്രശസ്തി വർദ്ധിപ്പിക്കാനും ADCEB ലക്ഷ്യമിടുന്നു.

അബുദാബി കൺവെൻഷൻ ആൻഡ് എക്‌സിബിഷൻ ബ്യൂറോ ഡയറക്ടർ മുബാറക് അൽ ഷാമിസി പറഞ്ഞു, "ഐബിടിഎം വേൾഡ് 2021 പോലുള്ള വ്യാപാര പ്രദർശനങ്ങൾ ഞങ്ങളുടെ ബിസിനസ്സ് വികസന പദ്ധതികളിലെ ഒരു പ്രധാന ഉപകരണമാണ്. ഇത് ഇവന്റ് പ്ലാനർമാരെ ബോധ്യപ്പെടുത്തുന്നതിനൊപ്പം അബുദാബിയെ ഒരു പ്രധാന എംഐസിഇ ഇൻഡസ്ട്രി ഡെസ്റ്റിനേഷനായി പ്രദർശിപ്പിക്കാൻ ഞങ്ങളെ അനുവദിക്കുന്നു. ഞങ്ങളുടെ എമിറേറ്റ് അവരുടെ ഇവന്റുകൾക്ക് അനുയോജ്യമായ സ്ഥലമാണ്. ഞങ്ങളുടെ സാന്നിധ്യം, ഡെസ്റ്റിനേഷൻ മാനേജ്‌മെന്റ് കമ്പനികളുമായും വ്യവസായ അസോസിയേഷനുകളുമായും മുഖാമുഖം കാണാനും യുഎഇ തലസ്ഥാനത്തെ ചലനാത്മകവും ആഗോള ബിസിനസ് ഇവന്റ് ഹബ്ബായി മാറ്റാനും അനുവദിക്കുന്നു. ഐബിടിഎം വേൾഡ് 2021-ലെ ഞങ്ങളുടെ സാന്നിധ്യത്തിൽ യുഎഇയുടെ സുവർണ ജൂബിലി ആഘോഷങ്ങളോടനുബന്ധിച്ച്, അടുത്ത അഞ്ച് പതിറ്റാണ്ടിനുള്ളിൽ രാജ്യത്തിന്റെ വികസനത്തിൽ ബിസിനസ് ടൂറിസം വ്യവസായം എങ്ങനെ നിർണായക ഘടകമായി മാറുമെന്ന് ചിന്തിക്കാൻ ഈ പരിപാടി നമുക്ക് അവസരം നൽകും.

കഴിഞ്ഞ 30 വർഷമായി ബാഴ്‌സലോണയിൽ വർഷം തോറും നടക്കുന്ന ഐബിടിഎം വേൾഡിന്റെ ലക്ഷ്യം, വ്യവസായ പ്രവണതകളും ഉൾക്കാഴ്ചയും, ബിസിനസ് കണക്ഷനുകളും നെറ്റ്‌വർക്കിംഗ് അവസരങ്ങളും, പ്രമുഖർ ഉൾപ്പെടുന്ന സംഭാഷണങ്ങളും ഉൾക്കൊള്ളുന്ന ഇവന്റുകൾ വാഗ്ദാനം ചെയ്തുകൊണ്ട് 'അവരുടെ ഉപഭോക്താക്കൾക്ക് അസാധാരണമായ അനുഭവങ്ങൾ നൽകുന്നതിന് ഇവന്റ് ലോകത്തെ പ്രചോദിപ്പിക്കുക' എന്നതാണ്.

WAM/ Afsal Sulaiman http://wam.ae/en/details/1395302998431 WAM/Malayalam

WAM/Malayalam