ഞായറാഴ്ച 26 മാർച്ച് 2023 - 7:47:13 pm
Wed 15-03-2023 11:13 AM
ടോക്കിയോ, 15 മാർച്ച് 2023 (WAM) -- യുണൈറ്റഡ് അറബ് എമിറേറ്റ്‌സും ജപ്പാനും ഇന്നലെ സാമ്പത്തിക, വ്യാപാര, നിക്ഷേപ സഹകരണം വർദ്ധിപ്പിക്കുന്നതിനുള്ള സാധ്യതകളെക്കുറിച്ച് ചർച്ച ചെയ്യുകയും പൊതു താൽപ്പര്യമുള്ള പുതിയ സാമ്പത്തിക അവസരങ്ങൾ പര്യവേക്ഷണം ചെയ്യുകയും ചെയ്തു.
നിലവിൽ അബുദാബിയിലെ അസംഖ്യം അവസരങ്ങൾ പ്രയോജനപ്പെടുത്താനും മിഡിൽ ഈസ്റ്റ്, ആഫ്രിക്ക, ദക്ഷിണേഷ്യ എന്നിവിടങ്ങളിലേക്കുള്ള കവാടമെന്ന നിലയിൽ യുഎഇയുടെ സ്ഥാനം പ്രയോജനപ്പെടുത്താനും ജാപ്പനീസ് കമ്പനികളോട് അബുദാബി സാമ്പത്തിക വികസന വകുപ്പ് ചെയർമാൻ അഹമ്മദ് ജാസിം അൽ സാബി ആവശ്യപ്പെട്ടു. . അബുദാബി ഇൻവെസ്റ്റ്‌മെന്റ് ഓഫീസ് (എഡിഐഒ) ഇന്നൊവേഷൻ പ്രോഗ്രാം വിന്യസിക്കുകയും പ്രോത്സാഹനങ്ങൾ നൽകുകയും കമ്പനികളെ എളുപ്പത്തിൽ ഇവിടേക്ക് മാറ്റാൻ സഹായിക്കുകയും ചെയ്യുന്നു. ഡിഇഡിയിലെ ഇൻഡസ്ട്രിയൽ ഡെവലപ്‌മെന്റ് ബ്യൂറോ നിർമ്മാതാക്കളുമായി ചേർന്ന് പ്രവർത്തിക്കുന്നത് അവരെ കൂടുതൽ വികസിപ്പിക്കാനും അവരുടെ ഉൽപ്പാദന നിലവാരം വർദ്ധിപ്പിക്കാനും സഹായിക്കുന്നമെന്നും അദ്ദേഹം കൂട്ടിച്ചേർത്തു.
അന്താരാഷ്ട്ര വ്യാപാരം, മൂലധന വ്യവസായങ്ങൾ, സാങ്കേതികവിദ്യ, ലോജിസ്റ്റിക്‌സ്, വ്യവസായം, ടൂറിസം, അഗ്രിടെക്, ഹെൽത്ത് സർവീസ് & ബയോഫാർമ, ഫിനാൻസ്, ഇൻവെസ്റ്റ്‌മെന്റ്, അസറ്റ് മാനേജ്‌മെന്റ് എന്നീ മേഖലകളിലും ബിസിനസുകളിലും ഇരു രാജ്യങ്ങൾക്കും അവസരമുണ്ട്. കടൽ, കര, വായു, വ്യാവസായിക, ഫ്രീ സോണുകളുടെ വ്യാപാരം ഡിജിറ്റലായി സുഗമമാക്കിക്കൊണ്ട് വ്യാപാരത്തിന്റെ ഒരു പുതിയ യുഗത്തെ പിന്തുണയ്ക്കുന്നതിനായി ഒരു ഓപ്പൺ അഡ്വാൻസ്ഡ് ട്രേഡ് ആൻഡ് ലോജിസ്റ്റിക് പ്ലാറ്റ്‌ഫോം സംവിധാനം നടപ്പിലാക്കുന്നത്തിനെ കുറിച്ചും യോഗം ചർച്ച ചെയ്തു.
ജപ്പാനും യുഎഇയും വിവിധ മേഖലകളിൽ, പ്രത്യേകിച്ച് കാലാവസ്ഥാ വ്യതിയാന സഹകരണത്തിന്റെ കാര്യത്തിൽ, സാമ്പത്തിക സഹകരണത്തിന്റെ ഒരു പുതിയ നൂറ്റാണ്ട് ആരംഭിക്കുകയാണെന്ന് ഇരു രാജ്യത്തിന്റെയും വക്താക്കൾ അറിയിച്ചു. ജപ്പാനിലെ യുഎഇ അംബാസഡർ ഷെഹാബ് അഹമ്മദ് അൽ ഫാഹിം, അബുദാബി ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി ചെയർമാൻ അബ്ദുല്ല അൽ മസ്‌റൂയി എന്നിവർ അബുദാബി ബിസിനസ് ഫോറത്തിൽ പങ്കെടുത്തു.
WAM/ അമൃത രാധാകൃഷ്ണൻ
