پیر 15 اگست 2022 - 11:08:58 صبح

دبئی چیمبرز کے زیر اہتمام ایتھوپیا کے سرکاری اور نجی شعبے کے وفد کا دبئی کادورہ 

  • abdulla al-theeb highlighting the chamber's digital transformation to the visiting delegation
  • khalid al-jarwan and omar khan in a group photo with the visiting delegtaion

دبئی، 4 اگست، 2022 (وام) ۔۔ ایتھوپیا کے سرکاری اور نجی شعبوں کے 10 اداروں کے نمائندوں پر مشتمل وفد نے 25 سے 30 ​​جولائی تک دبئی چیمبرزکی دعوت پر دورہ کیا۔

وفد کی سربراہی پیراگو انفارمیشن سسٹمز پی ایل سی کے سی ای او ایونیٹو ابیرا نے کی ، یہ کمپنی ایتھوپیا کی وفاقی حکومت کے سرکاری منصوبوں پر عملدرآمد کی ذمہ دار ہے۔

وفد کے شرکا نے ڈیجیٹل خدمات میں دبئی کی کامیابیوں سے آگاہی حاصل کرتے ہوئے، ممکنہ کاروباری شراکت داری کے قیام کے امکانات پر تبادلہ خیال اور علم اور مہارت کے تبادلوں کے علاوہ ڈیجیٹل ایتھوپیا 2025 حکمت عملی میں معاون معاہدوں پر دستخط کیے۔ وفد میں ایتھوپیا میں جدت اور ٹیکنالوجی کی وزارت کے نمائندے اور پیراگو انفارمیشن سسٹمز پی ایل سی کے ایگزیکٹوز شامل تھے۔

وفد نے دبئی چیمبرز، ڈیجیٹل دبئی اورون ٹائم،ویلیو گرڈ،ڈیجیٹل فالکن اور ورلڈ ون میڈیا سمیت دیگر کمپنیوں کے نمائندوں سے ملاقاتیں کیں جن میں شراکت داری اور تعاون کے مواقع پر تبادلہ خیال کیاگیا۔ وفد نے دبئی چیمبر برائے ڈیجیٹل اکانومی کے ایگزیکٹو ڈائریکٹر خالد الجروان سے ملاقات کی جنہوں نے وفد کو دبئی میں ڈیجیٹل اکانومی کے ارتقاء کے ساتھ ساتھ نائب صدر، وزیر اعظم اور دبئی کے حکمران عزت مآب شیخ محمد بن راشد المکتوم کے وژن کی تکمیل کے لیے چیمبر کی کوششوں سے بھی آگاہ کیا۔

الجروان نے شراکت داری اور باہمی تعاون کی کوششوں کی اہمیت پر زور دیتے ہوئے دبئی کے ڈیجیٹل اسٹارٹ اپس کے مسابقتی فوائد پر روشنی ڈالی۔ الجروان نے کہا کہ ایتھوپیا افریقہ میں ایک اہم ڈیجیٹل اسٹارٹ اپ مارکیٹ ہے اور دبئی کا ایک اہم اقتصادی شراکت دار ہے۔

وفد کے شرکا کا کہنا تھا کہ دبئی اور اس کے سرکاری و نجی شعبوں کے وسیع تجربہ سے ایتھوپیا کو اس کی ڈیجیٹل ایتھوپیا 2025 حکمت عملی کے مقاصد حاصل کرنے میں مدد مل سکتی ہے۔ دبئی انٹرنیشنل چیمبر کے بین الاقوامی دفاتر کے ڈائریکٹر عمر خان نے کہا کہ اس وفد کا دورہ ایسے موقع پر ہے جب دبئی کی عالمی کاروباری حیثیت کو مستحکم کرنےاور کسٹمر سروس اور ڈیجیٹل میں بین الاقوامی مہارت کا مرکز بننے کے لیے مربوط کوششیں کی جا رہی ہیں۔

انہوں نے کہا کہ اس دورے سے مستقبل میں تعاون کے وسیع دروازے کھل گئے ہیں۔ وفد نے دبئی چیمبرآف کامرس میں ممبرشپ اور ڈاکومینٹیشن ڈیپارٹمنٹ کا دورہ کیا، جہاں انہوں نے اس کے ڈائریکٹر عبدالله الذيب سے ملاقات کی اور ممبران کو پیش کی جانے والی سمارٹ خدمات کا جائزہ لیا۔ الذيب نے ان اصولوں پر روشنی ڈالی جن پر چیمبر کی کسٹمر سروس اور ڈیجیٹل ٹرانسفارمیشن سسٹم کا انحصار ہے، ان کا کہنا تھا کہ صارفین کا اطمینان اولین ترجیح ہے جس کے لیے صارفین کو اپنے لین دین کو آسانی اور آسانی سے مکمل کرنے کے لیے غیر معمولی سلیوشنز فراہم کرنے کے لیے مسلسل سرمایہ کاری کی ضرورت ہے، جس سے ان کے وقت اور محنت کی بچت ہوتی ہے۔

اس موقع پر ایونیٹو ابیرانے کہا کہ دبئی چیمبرز کے زیر اہتمام تجربات کے تبادلے کے پروگرام نے ہمیں ترقی کی ایک نئی سطح کی ڈیجیٹل ٹیکنالوجیز سے آگاہی دی ہے ۔ ایتھوپیا کی مارکیٹ میں تعاون کے مواقع پر تبادلہ خیال کرنے کے لیے ہم نے پرائیویٹ سیکٹر کی کمپنیوں بشمول اسٹارٹ اپس اور قائم کارپوریشنز کے ساتھ ہونے والی ملاقاتوں سے بھی فائدہ اٹھایا ۔

اس کے علاوہ، ہم دبئی چیمبرز کے ساتھ مل کر کام کریں گے تاکہ ان ملاقاتوں اور بات چیت کو نتیجہ خیز کاروباری مواقع میں تبدیل کیا جا سکے۔

ترجمہ۔ تنویر ملک

https://wam.ae/en/details/1395303071897

WAM/Urdu