جمعہ 19 اگست 2022 - 1:59:20 صبح

نیشنل ایمبولینس واٹرسیفٹی کے بارے میں شعور اجاگر کرنے کے لیے کوشاں


ابوظہبی، 5 اگست، 2022 (وام) ۔۔ نیشنل ایمبولینس، واٹر سیفٹی کے بارے میں شہریوں میں شعور اجاگر کر رہی ہے تاکہ پانی کے ارد گرد محفوظ رہنے کی اہمیت کو اجاگر اور ڈوبنے سے بچایا جا سکے۔ نیشنل ایمبولینس نے 2021 میں امارات کے پورے شمالی علاقے میں سوئمنگ پولز اور ساحلوں پر ڈوبنے سے متعلق 194 سے زیادہ واقعات میں فوری امداد فراہم کی۔

واٹرسیفٹی کے پیغامات کو ڈیجیٹل پلیٹ فارمز اور میڈیا چینلز سے نشر کیا جائے گا تاکہ عوام کو آگاہ کیا جا سکے کہ خاندان گرمیوں میں پانی سے محفوظ طریقے سے کیسے لطف اندوز ہو سکتے ہیں۔

یہ مہم نیشنل ایمبولینس کی 'سمر سیفٹی' مہم کا حصہ ہے جو گزشتہ ماہ شروع کی گئی تاکہ گرمی کے موسم میں حفاظتی احتیاطی تدابیر کی اہمیت کے بارے میں عوام میں بیداری پیدا کی جا سکے تاکہ یہ یقینی بنایا جا سکے کہ لوگ موسم گرما سے متعلق عمومی ہنگامی حالات کو جان سکیں، روک تھام اور ان سے نمٹنے کے لیے تیار ہیں۔

نیشنل ایمبولینس کے چیف ایگزیکٹیو آفیسر احمد الهاجري نے کہاکہ ڈوبنے سے ہلاکتیں متحدہ عرب امارات میں غیر ارادی موت کی سب سے بڑی وجوہات میں سے ایک ہے اور ان میں سے زیادہ تر واقعات کو روکا جا سکتا ہے۔ ہمیں تیراکی اور واٹر سیفٹی کے اصولوں اور ڈوبنے سے بچاؤ کی تجاویز کے بارے میں شعور اجاگر کرنے کا سلسلہ جاری رکھنا چاہیے۔ جو پانی میں، اس کے قریب اور آس پاس ہر کسی کو محفوظ رکھ سکتا ہے۔ آسان اقدامات جن میں بچوں پر نظر رکھنا، تیرنا سیکھنا، تیراکی کرتے وقت کسی کے ساتھ جوڑا بنانا، لائف جیکٹس پہننے سے ڈوبنے کے خطرے کو کم کیا جاسکتا ہے۔

نیشنل ایمبولینس شمالی امارات میں ہسپتال پہنچنے سے پہلے کی فوری طبی امداد فراہم کرتی ہے، جس کے لیے وقف کردہ 998 ایمرجنسی ایمبولینس نمبر اور NA 998 موبائل ایپلیکیشن کے ذریعے مدد لی جاسکتی ہے کی جا سکتی ہے۔ اعلیٰ درجے کی گاڑیوں اور مستند ڈاکٹروں کے ساتھ، نیشنل ایمبولینس شارجہ، عجمان، ام القیوین، راس الخیمہ اور فجیرہ میں شدید بیماری کی صورت حال اور زخمیوں کے لیے اعلیٰ معیار کی دیکھ بھال فراہم کرنے کے لیے فرنٹ لائن پر عوام کی خدمت کررہی ہے۔

ترجمہ۔ تنویر ملک

http://wam.ae/en/details/1395303072120

WAM/Urdu