جمعہ 19 اگست 2022 - 2:07:35 صبح

متحدہ عرب امارات اقتصادی اور سرمایہ کاری کے شعبوں کی پاکستانی کمپنیوں میں ایک ارب ڈالر کی سرمایہ کاری کریگا


ابوظہبی، 5 اگست، 2022 (وام) -- ابوظہبی کے ایک سرکاری ذریعے نے بتایا ہے کہ متحدہ عرب امارات مختلف اقتصادی اور سرمایہ کاری کے شعبوں کی پاکستانی کمپنیوں میں ایک ارب ڈالر کی سرمایہ کاری کرنے کا ارادہ رکھتا ہے۔

اس اقدام کا مقصد سرمایہ کاری کے نئے مواقع اور مختلف شعبوں کےمنصوبوں میں تعاون کی نئی راہیں تلاش کرنا ہے تاکہ دونوں ممالک کے بہترین مفاد میں دو طرفہ اقتصادی تعلقات کو وسعت دی جا سکے۔

سرکاری ذریعے کے مطابق متحدہ عرب امارات اور پاکستان مختلف شعبوں بشمول گیس، توانائی کے بنیادی ڈھانچے، قابل تجدید توانائی، صحت کی دیکھ بھال، بائیو ٹیکنالوجی، زرعی ٹیکنالوجی، لاجسٹکس، ڈیجیٹل کمیونیکیشن، ای کامرس اور مالیاتی خدمات میں تعاون جاری رکھنے کے خواہاں ہیں۔

ترجمہ: ریاض خان ۔

https://www.wam.ae/en/details/1395303072319

WAM/Urdu