بدھ 22 مارچ 2023 - 3:53:42 شام
Tue 14-03-2023 19:18 PM
منامہ، 14 مارچ، 2023(وام) ۔۔ بین الپارلیمانی یونین (آئی پی یو) میں وفاقی قومی کونسل (ایف این سی) پارلیمانی ڈویژن نے یونین کی قائمہ کمیٹی برائے جمہوریت اور انسانی حقوق کے اجلاس میں شرکت کی۔
اجلاس آئی پی یوکی 146ویں جنرل اسمبلی اور 211ویں اجلاس کے ایک حصے کے طور پر منعقد ہوا۔
اس کی گورننگ کونسل کا اجلاس منامہ بحرین میں منعقد ہوا۔ اجلاس میں سائبر اسپیس میں غلط معلومات اور نفرت انگیز اور امتیازی مواد کے خلاف جنگ کے حق میں پارلیمانی تحریک پر غور کیا گیا۔ کمیٹی نے کہا کہ ابتدائی طور پر آزادی اور نجات کی جگہ کے طور پر ڈیزائن کیا گیا انٹرنیٹ گزشتہ برسوں میں نفرت انگیز، امتیازی اور بے ایمانی کے مواد کا ذخیرہ اور تقسیم کرنے والا چینل بن گیا ہے۔
ایک ایسے وقت میں جب جمہوری نظریات کمزور پڑ رہے ہیں اور یہاں تک کہ بعض اوقات مقابلہ بھی کیا جاتا ہے اس بات کو یقینی بنانا ضروری ہے کہ دنیا بھر کی ارکان پارلیمنٹ آزادی اظہار کے مکمل احترام میں افراد اور اداروں دونوں کے تحفظ کے لیے ایک مضبوط قانون سازی کا فریم ورک بنانے کی کوشش کریں۔
ایف این سی پارلیمانی ڈویژن کی رکن ڈاکٹر شیخا التونائیجی نے کہا کہ پارلیمنٹ نفرت انگیز مواد، امتیازی سلوک اور غلط معلومات کو آن لائن پھیلانے میں ای اسپیس کے غلط استعمال کو روکنے کے لیے ضروری قانون سازی اور نگران کردار ادا کر سکتی ہے۔ انہوں نے کہاکہ پارلیمنٹ اور قانون سازوں کے لیے اس بات پر غور کرتے ہوئے کہ نفرت انگیز تقریر اور غلط معلومات کا آن لائن جواب کیسے دیا جائے اور آن لائن اسپیس میں ممکنہ نقصانات کو محدود کرنے کے لیے فعال قانون سازی کی جائے مصالحت کرنے کے لیے سخت چیلنج ہیں۔
انہوں نے اس سلسلے میں متحدہ عرب امارات کا تجربہ بھی پیش کیا اور ذات، نسل، مذہب یا نسلی بنیاد پر امتیازی سلوک اور نفرت کو روکنے کے لیے متعدد قوانین کے بارے میں آگاہ کیا۔ انہوں نے کہا کہ جولائی 2015 میں متحدہ عرب امارات نے ہر ایک کو تحفظ فراہم کرنے اور اس طرح سماجی تحفظ کے تصور کو ایک نئی سطح پر لانے کے لیے امتیازی سلوک اور نفرت سے نمٹنے کے لیے 2015 کا وفاقی حکم نامہ نمبر 2 جاری کیا۔
ترجمہ: ریاض خان ۔
https://wam.ae/en/details/1395303138862
