വെള്ളിയാഴ്ച 03 ഡിസംബർ 2021 - 1:07:06 am

തഹ്‌നുൻ ബിൻ സായിദിന്റെ നേതൃത്വത്തിലുള്ള സംഘത്തിന് ഖത്തർ അമീർ സ്വീകരണം നൽകി


ദോഹ, 2021 ഓഗസ്റ്റ് 26, (WAM) -- അയൽ രാഷ്ട്രമായ ഖത്തറിലെ അമീർ ശൈഖ് തമീം ബിൻ ഹമദ് അൽ താനി ഇന്ന് ദേശീയ സുരക്ഷാ ഉപദേഷ്ടാവ് ഷെയ്ഖ് തഹ്‌നൗൺ ബിൻ സായിദ് അൽ നഹ്യാൻ നയിക്കുന്ന ഒരു പ്രതിനിധി സംഘത്തെ സ്വീകരിച്ചു.

കൂടിക്കാഴ്ചയിൽ ഉഭയകക്ഷി ബന്ധങ്ങളും ഇരുരാജ്യങ്ങളും തമ്മിലുള്ള സഹകരണം കൂടുതൽ വികസിപ്പിക്കുന്നതിനുള്ള വഴികളും, പ്രത്യേകിച്ചും സാമ്പത്തിക, വ്യാപാര മേഖലകളിലും നിർമാണ, വികസന, പുരോഗതി, അതുപോലെ തന്നെ ഇരു രാജ്യങ്ങളുടെയും പൊതു താൽപ്പര്യങ്ങൾ കൈവരിക്കുന്ന സുപ്രധാന നിക്ഷേപ പദ്ധതികൾ എന്നിവയെക്കുറിച്ചും സംസാരിച്ചു.

കൂടിക്കാഴ്ചയിൽ, ഷെയ്ഖ് തഹ്‌നൗൻ ഖത്തർ അമീറിന് പ്രസിഡന്റ് ഷെയ്ഖ് ഖലീഫ ബിൻ സായിദ് അൽ നഹ്യാൻ, വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം, അബുദാബി കിരീടാവകാശിയും യുഎഇ സായുധ സേനയുടെ ഡെപ്യൂട്ടി സുപ്രീം കമാൻഡറുമായ ശൈഖ് മുഹമ്മദ് ബിൻ സായിദ് അൽ നഹ്യാനും എന്നിവരുടെ ആശംസകൾ അറിയിച്ചു. ഖത്തറിനും ജനങ്ങൾക്കും കൂടുതൽ പുരോഗതിയും അഭിവൃദ്ധിയും നേരുകയും ചെയ്തു.

ശൈഖ് ഖലീഫ ബിൻ സായിദ്, ഷെയ്ഖ് മുഹമ്മദ് ബിൻ റാഷിദ്, ഷെയ്ഖ് മുഹമ്മദ് ബിൻ സായിദ് എന്നിവർക്ക് ഖത്തർ അമീർ ആശംസകൾ നേരുകയും, യുഎഇക്കും ജനങ്ങൾക്കും അഭിവൃദ്ധിയും നേരുന്നതായി അറിയിച്ചു.

അവർ കൂടിക്കാഴ്ചയിൽ പൊതു താൽപ്പര്യമുള്ള നിരവധി വിഷയങ്ങളിൽ അഭിപ്രായങ്ങൾ കൈമാറി.

WAM/ Afsal Sulaiman http://wam.ae/en/details/1395302963726 WAM/Malayalam

WAM/Malayalam