ബുധനാഴ്ച 22 മാർച്ച് 2023 - 1:17:05 am
Thu 26-01-2023 14:33 PM
ദുബായ്, 26 ജനുവരി 2023 (WAM) -- യുഎഇയിലെ സംരംഭകത്വ ആവാസവ്യവസ്ഥയും എന്റർപ്രണ്യൂറിയൽ നേഷൻ തന്ത്രത്തിന് അനുസൃതമായി ദേശീയ സമ്പദ്‌വ്യവസ്ഥയെ വളർത്താൻ സഹായിക്കുന്നു എമിറേറ്റ്സ് ഗ്ലോബൽ അലൂമിനിയം, കമ്പനിയുടെ പദ്ധതിയായ ഇജിഎ റാമ്പ്-അപ്പിനെ പിന്തുണയ്ക്കുമെന്ന് യുഎഇ സാമ്പത്തിക മന്ത്രാലയം പ്രഖ്യാപിച്ചു.
സമാന ചിന്താഗതിക്കാരായ സ്വകാര്യ, പൊതുമേഖലാ പങ്കാളികളുമായുള്ള സഹകരണം ശക്തിപ്പെടുത്തുന്നതിലൂടെ യുഎഇയുടെ സംരംഭകത്വം, നവീകരണം, സർഗ്ഗാത്മകത എന്നിവയെ പിന്തുണയ്ക്കാൻ സാമ്പത്തിക മന്ത്രാലയം പ്രതിജ്ഞാബദ്ധമാണെന്ന് സാമ്പത്തിക മന്ത്രാലയം അണ്ടർസെക്രട്ടറി അബ്ദുല്ല അൽ സാലിഹ് പറഞ്ഞു.
"രാജ്യത്തിന്റെ സാമ്പത്തിക അജണ്ടയും വൈവിധ്യവൽക്കരണ പരിപാടിയും മുന്നോട്ട് കൊണ്ടുപോകുന്നതിനുള്ള '50 പ്രോജക്റ്റുകൾക്ക്' അനുസൃതമായി, സംരംഭവുമായി പങ്കാളിത്തത്തിൽ ഏർപ്പെടുന്നതിൽ ഞങ്ങൾ സന്തുഷ്ടരാണ്.കൂടാതെ പുതുമയുള്ളതും ക്രിയാത്മകവുമായ സംരംഭങ്ങളെ പിന്തുണയ്ക്കാൻ വേണ്ടി ഇജിഎ റാംപ്-അപ്പ് പ്രോഗ്രാമിനെ മുന്നോട്ട് കൊണ്ട് പോകാൻ ഞങ്ങൾ ആഗ്രഹിക്കുന്നു" അദ്ദേഹം കൂട്ടിച്ചേർത്തു.
ഇജിഎ റാംപ്-അപ്പ് പ്രോഗ്രാം, ഫലപ്രദമായ സംരംഭകത്വത്തെക്കുറിച്ചുള്ള വിജ്ഞാനപ്രദമായ ഓൺലൈൻ കോഴ്‌സുകളുടെ ഒരു പരമ്പരയിലേക്ക് അഭിലഷണീയരും അടുത്തിടെ സ്ഥാപിതമായതുമായ സംരംഭകരെ ആകർഷിക്കുന്നു. വിദഗ്ധരുടെ ആഗോള ശൃംഖലയിൽ നിന്നുള്ള മാർഗനിർദേശ പിന്തുണ നൽകിക്കൊണ്ട്, ഏറ്റവും പ്രതീക്ഷ നൽകുന്ന സ്റ്റാർട്ടപ്പുകളുമായി പ്രോഗ്രാം കൂടുതൽ അടുത്ത് പ്രവർത്തിക്കും. ഇജിഎയുടെ തന്ത്രപരമായ ലക്ഷ്യങ്ങളുമായി വിന്യസിച്ചിരിക്കുന്ന സ്റ്റാർട്ടപ്പുകൾക്ക് ക്യാഷ് റിവാർഡുകൾ ലഭിക്കാനുള്ള അവരുടെ യോഗ്യതയും ഇജിഎയുമായി സഹകരിക്കാനുള്ള അവസരങ്ങളും വിലയിരുത്തപ്പെടും.
ഇജിഎ റാംപ്-അപ്പ് പരിപാടിയുടെ ആദ്യ റൗണ്ടിനായുള്ള അപേക്ഷകൾ ഇപ്പോൾ തുറന്നിരിക്കുന്നു. നിലവിൽ 300-ലധികം സംരംഭകർ ഇതിനകം തന്നെ ആദ്യ റൗണ്ടിനായി രജിസ്റ്റർ ചെയ്തിട്ടുണ്ട്. അപേക്ഷകൾ ജനുവരി 27ന് അവസാനിക്കും. പ്രോഗ്രാമിനെക്കുറിച്ച് കൂടുതലറിയുന്നതിനും നിങ്ങളുടെ അപേക്ഷ സമർപ്പിക്കുന്നതിനും ദയവായി സന്ദർശിക്കുക: www.ega.ae/en/ramp-up.
WAM/ അമൃത രാധാകൃഷ്ണൻ
https://wam.ae/en/details/1395303122556
WAM/Malayalam
