റമദാനിൽ ഫെഡറൽ ഗവൺമെന്റ് ജീവനക്കാർക്ക് വീട്ടിലിരുന്നും ജോലി ചെയ്യാം

റമദാനിൽ ഫെഡറൽ ഗവൺമെന്റ് ജീവനക്കാർക്ക് വീട്ടിലിരുന്നും ജോലി ചെയ്യാം

അബുദാബി, 15 മാർച്ച് 2023 (WAM) -- വിശുദ്ധ റമദാൻ മാസത്തിലെ വെള്ളിയാഴ്ചകളിൽ ഫെഡറൽ ഗവൺമെന്റ് ജീവനക്കാർക്ക് വീട്ടിലിരുന്ന് ജോലി ചെയ്യാൻ അനുമതി. രാഷ്‌ട്രപതി ശൈഖ് മുഹമ്മദ് ബിൻ സായിദ് അൽ നഹ്യാന്റെ നിർദ്ദേശപ്രകാരമാണ് ഈ ഇളവ്. ഉത്തരവനുസരിച്ച് വെള്ളിയാഴ്ചകളിൽ 70 ശതമാനം ജീവനക്കാർക്ക് വീട്ടിലിരുന്ന് ജോലി ചെയ്യാമെന്നും 30 ശതമാനം പേർ മാത്രം ഓഫീസിൽ ഹാജരായാൽ മതി.

പൊതു സർവ്വകലാശാലകളിലെ വിദ്യാർത്ഥികൾക്കും സ്കൂൾ വിദ്യാർത്ഥികൾക്കും വെള്ളിയാഴ്ചകളിൽ പഠനം വിദൂരമായിക്കുമെന്നും നേരത്തെ നിശ്ചയിച്ച പരീക്ഷകൾക്ക് ഇത് ബാധകമല്ലെന്നും ഉത്തരവ് പറയുന്നു.

റമദാൻ മാസത്തിൽ കുടുംബങ്ങൾ തമ്മിലുള്ള സാമൂഹിക ഇടപെടലുകൾ കണക്കിലെടുത്താണ് കൂടുതൽ വഴക്കമുള്ള ഔദ്യോഗിക ജോലി സമയം ചിട്ടപ്പെടുത്തിയതെന്ന് അധികൃതർ അറിയിച്ചു.ജോ​ലി​യു​ടെ സ്വ​ഭാ​വം ആ​വ​ശ്യ​പ്പെ​ടു​ന്നു​വെ​ങ്കി​ൽ കൂ​ടു​ത​ൽ സ​മ​യം ജോലി ചെ​യ്യാ​മെ​ന്നും ഉത്തരവിൽ വ്യ​ക്ത​മാ​ക്കി​യി​ട്ടു​ണ്ട്.

WAM/ അമൃത രാധാകൃഷ്ണൻ