തിങ്കളാഴ്ച 02 ഒക്ടോബർ 2023 - 12:00:24 pm
Sun 17-09-2023 11:50 AM
അബുദാബി, 2023 സെപ്റ്റംബർ 17, (WAM) -- ഈ വർഷം നവംബറിൽ പ്രവർത്തനമാരംഭിക്കുന്നതിന് മുന്നോടിയായി പുതിയ ടെർമിനൽ എ-യുടെ പ്രവർത്തന സന്നദ്ധത പരീക്ഷണങ്ങളുടെ ഭാഗമായി, അബുദാബി കമ്മ്യൂണിറ്റിയിൽ നിന്ന് തിരഞ്ഞെടുത്ത 6,000-ലധികം വോളണ്ടിയർമാരുമായി അബുദാബി എയർപോർട്ട് ഏറ്റവും വലിയ തത്സമയ ട്രയൽ ആൻഡ് ടെസ്റ്റിംഗ് പരീക്ഷണം നടത്തി.
ടെർമിനലിന്റെ പ്രധാന പ്രവർത്തന മേഖലകൾ, ഉപകരണങ്ങൾ, സ്റ്റാഫ്, നടപടിക്രമങ്ങൾ എന്നിവയെ പ്രവർത്തനസജ്ജമാക്കാൻ രൂപകൽപ്പന ചെയ്തിട്ടുള്ള ശക്തമായ സിമുലേഷനുകളിൽ പ്രധാന പങ്ക് വഹിക്കുന്നത് പ്രവർത്തന പരീക്ഷണങ്ങളിൽ ഉൾപ്പെടുന്നു.
അബുദാബി എയർപോർട്ട് സ്റ്റാഫ് അംഗങ്ങൾക്ക് പുറമേ, പങ്കെടുത്ത വോളണ്ടിയർമാരിൽ വിദ്യാർത്ഥികളും കുടുംബങ്ങളും വ്യോമയാന മേഖലയിലെ പങ്കാളികളും ഉൾപ്പെടുന്നു.
ചെക്ക്-ഇൻ, ബാഗേജ്, സുരക്ഷാ സ്ക്രീനിംഗ്, ബോർഡിംഗ് ഗേറ്റുകൾ, ഇമിഗ്രേഷൻ, കസ്റ്റംസ് എന്നിവ ഉൾപ്പെടുന്നു. ഇമിഗ്രേഷനിൽ, വോളണ്ടിയർമാർ യാത്രക്കാർക്കായി പ്രക്രിയയുടെ വേഗതയും കൃത്യതയും അതോടൊപ്പം ഡോക്യുമെൻറ്, കസ്റ്റംസ് പരിശോധനകൾ എന്നിവയും സൂക്ഷ്മമായി പരിശോധിക്കുന്നു. അതേസമയം, ബോർഡിംഗിലും പുറപ്പെടലിലും, വോളണ്ടിയർമാരുടെ ബോർഡിംഗ് പാസുകൾ സ്കാൻ ചെയ്യുന്നതും ഫ്ലൈറ്റ് വിവരങ്ങളിലെ മാറ്റങ്ങൾ ആശയവിനിമയം നടത്തുന്നതിനുള്ള നടപടിക്രമ തയ്യാറെടുപ്പുകൾ വിലയിരുത്തുന്നതും പരിശോധനകളിൽ ഉൾപ്പെടുന്നു.
വേഗത, കാര്യക്ഷമത, ഡെലിവറി എന്നിവ ഉറപ്പുവരുത്തുന്നതിനായി വിപുലമായ വലിയ തോതിലുള്ള വിലയിരുത്തലുകൾ നടത്തുന്നതിൽ ശ്രദ്ധ കേന്ദ്രീകരിച്ചതിനാൽ, മികവിനോടുള്ള ഞങ്ങളുടെ പ്രതിബദ്ധതയാണ് ടെർമിനൽ എയുടെ ഉദ്ഘാടനത്തിന് തയ്യാറെടുക്കുന്നതിനുള്ള ഞങ്ങളുടെ തീരുമാനത്തെ പ്രേരിപ്പിച്ചതെന്ന് അബുദാബി എയർപോർട്ട് മാനേജിംഗ് ഡയറക്ടറും ഇടക്കാല സിഇഒയുമായ എലീന സോർലിനി പറഞ്ഞു. നവംബറിൽ ടെർമിനൽ എയിലേക്ക് യാത്രക്കാരെ സ്വാഗതം ചെയ്യാൻ ഞങ്ങൾ തയ്യാറെടുക്കുമ്പോൾ, ഈ ട്രയലുകളിൽ പങ്കെടുത്ത വോളണ്ടിയർമാർക്ക് അവരുടെ അചഞ്ചലമായ പിന്തുണക്ക് നന്ദി പറയാൻ ഞാൻ ആഗ്രഹിക്കുന്നു അദ്ദേഹം കൂട്ടിച്ചേർത്തു.
742,000 ചതുരശ്ര മീറ്റർ ബിൽറ്റ്-അപ്പ് ഏരിയ ഉൾക്കൊള്ളുന്ന ടെർമിനൽ എ ലോകത്തിലെ ഏറ്റവും വലിയ എയർപോർട്ട് ടെർമിനലുകളിൽ ഒന്നാണ്, കൂടാതെ അബുദാബി ഇന്റർനാഷണൽ എയർപോർട്ട് യാത്രക്കാരുടെ എണ്ണവും ചരക്ക് ശേഷിയും ഗണ്യമായി വർദ്ധിപ്പിക്കുകയും എമിറേറ്റിന്റെ സാമ്പത്തിക വളർച്ച ത്വരിതപ്പെടുത്തുകയും ചെയ്യും. പ്രതിവർഷം 45 ദശലക്ഷം യാത്രക്കാരെ കൈകാര്യം ചെയ്യാനും മണിക്കൂറിൽ 11,000 യാത്രക്കാരെ പ്രോസസ് ചെയ്യാനും ശേഷിയുള്ള ടെർമിനൽ അബുദാബിയുടെ ടൂറിസം മേഖലയുടെ വിപുലീകരണത്തിന് അടിത്തറ നൽകുകയും ആഗോള ഗേറ്റ്‌വേ, വ്യോമയാന കേന്ദ്രം എന്നീ നിലകളിൽ എയർപോർട്ടിന്റെ സ്ഥാനം ഉറപ്പിക്കുകയും ചെയ്യും.
WAM/അമൃത രാധാകൃഷ്ണൻ
