جمعه 31 مارچ 2023 - 10:35:31 سحر
Thu 02-02-2023 13:57 PM
پاناما، 2 فبروري، 2023 (وام) -- د اماراتو خبري اژانس (وام) یوه پلاوي چې مشري یې د دې ادارې عمومي رییس محمد جلال الریسی کوله، په پاناما کې د څو رسنیو ادارو سره د ادارې د همکارۍ په اړه خبرې وکړې.
پاناما ته د خپل سفر په جریان کې، د وام پلاوي د نړیوال رسنیو کانګرس د لومړۍ نسخې پایلې وڅیړلې چې د نومبر په 2022 کې په ابوظبي کې جوړه شوې وه او په سۍ او پۍ28 کې د پاناماني رسنیو سازمانونو ګډون چې د دوبۍ په ایکسپو ښار کې ترسره کیږي.
په کولمبیا کې د متحده عربي اماراتو سفیر او په پاناما کې د غیر استوګن سفیر سلیم رشید ال اویس په شتون کې، پلاوي د میډکام رسنیو ګروپ څخه لیدنه وکړه، کوم چې د وام شریک دی او په پاناما کې ترټولو لوی رسنۍ اداره ده چې شپږ تلویزیونونه او درې راډیو سټیشنونه لري. د دواړو خواوو ترمنځ د شته همکاریو د پراختیا لپاره د شته فرصتونو کتنه وکړه. د وام پلاوي د ټۍ وۍ اينڅخه هم لیدنه وکړه، چې په ټول هیواد کې د تکرار کونکو سره یو ټلویزیوني شبکه ده.
دغه پلاوي د لا پرینسا ورځپاڼو، لا اسټریلا دي پاناما، سیستیما اسټال ډی رادیو او ټلویزیون (ايس اۍ آر ټۍ وۍ) عامه تلویزیونونو څخه هم لیدنه وکړه او د همکارۍ درې جلا تړونونه یې لاسلیک کړل.
الریسی ټینګار وکړ چې په امریکا کې د رسنیو تاسیساتو ته د وام پلاوي لیدنې د نړیوالو رسنیو سازمانونو سره د همکارۍ د پراختیا لپاره د هغې د لید یوه برخه ده.
هغه زیاته کړه چې د رسنیو نړیوال کانګرس د نړیوالو رسنیو د ادارو ترمنځ د ملګرتیا د پیاوړتیا او په سیمه او ټوله نړۍ کې د رسنیو د راتلونکي وړاندوینې لپاره یو مثالی پلیټ فارم وړاندې کوي.
د نړیوال رسنیو کانګرس د دویمې نسخې لپاره پالن جوړونه، الریسی د وام لیوالتیا په ګوته کړه چې د نړیوالو شریکانو سره د کانګرس د تګلارې په اړه بحث وکړي ترڅو دا پیښه خورا بریالۍ کړي.
الریسي زیاته کړه چې متحده عربي امارات سږکال د ګوندونو د کنفرانس (سۍ او پۍ28) د 28مې غونډې کوربه توب کوي ، د دې لویې پیښې اهمیت په ګوته کولو کې د رسنیو په کلیدي رول ټینګار وکړ ، چې د نړۍ ترټولو لوی د اقلیم عمل نړیوال پیښه ده.
د وام عمومي رييس هم د سفر په جریان کې د اماراتو خبري اژانس د پلاوي د ملاتړ لپاره د سفیر ال اویس څخه مننه وکړه.
https://wam.ae/en/details/1395303124469
ترجمه: محمد سليمان
