منگل 27 جولائی 2021 - 11:10:23 شام

دبئی کسٹمز اور ڈی پی ورلڈ نے ایگزٹ/انٹری سرٹیفکیٹس کی آٹومیشن متعارف کرادی


دبئی، 17جولائی، 2021 (وام) ۔۔ دبئی کسٹمز نے ڈی پی ورلڈ یو اے ای ریجن کے ساتھ ملکر جبل علی بندرگاہ سے کارگو لوڈ کے عمل کو بڑھانے کیلئے آٹو میشن آف ایگزٹ/انٹری سرٹیفکیٹس کااجراء کیا ہے۔ کسٹمر سروس سینٹر پر اوسطاََ 700 دستاویزات پر ڈاک ٹکٹ لگایا جاتا ہے جو سالانہ تقریبا ڈھائی لاکھ دستاویزات کے برابر ہوتا ہے۔ ایگزٹ سرٹیفکیٹ آٹومیشن دبئی کسٹم پر رقم کی واپسی کے دعوے جمع کرنے کے عمل کو آسان کرتا ہے جس سے وقت اور قیمت کی بچت ہوتی ہے جبکہ ہر طرح کے سامان کی برآمدات کو مزید تیز کرتا ہے۔ اس پر تبصرہ کرتے ہوئے دبئی کسٹمز کے ڈائریکٹر جنرل احمد محبوب مصباح نے کہا کہ ہمیں ڈی پی ورلڈ کے تعاون سے آٹومیشن آف ایگزٹ/ انٹری سرٹیفکیٹ شروع کرنے پر خوشی ہے۔ انہوں نے کہا کہ اس سے صارفین کا وقت اور لاگت کم کرنے میں مدد ملے گی۔ انکا کہنا تھا کہ ہمارا مقصد نائب صدر، وزیر اعظم اور دبئی کے حکمران شیخ محمد بن راشد آل مکتوم کے ویژن کو پورا کرنا ہے جس کا ہدف آنے والے سالوں میں دبئی کی غیر ملکی تجارت کو 2 ٹریلین درہم تک بڑھانا ہے۔ انہوں نے کہا کہ کوویڈ 19 وباء نے عالمی لاک ڈاؤن کے چیلنجوں کو نیویگیٹ کرنے اور تجارت اور کارگو کے عمل کی کارکردگی کو برقرار رکھنے میں مدد کرکے کاروبار اور سپلائی چین کے تسلسل کو یقینی بنانے کے لئے ڈیجیٹل بنانے کی مطابقت کا مظاہرہ کیا ہے۔ انہوں نے کہا کہ اب سرمایہ کار کاغذات جمع کروانے کسی کو ذاتی طور پرآئے بغیر برآمد اور کارگو روانگی کے بعد اپنے کلیم ٹھیک طور پر پیش کرنے کے قابل ہوجائیں گے۔ انہوں نے کہا کہ ہم اپنی 2021 اور 2026 حکمت عملی کے تحت کسٹم سروسز فراہم کرنے کے خواہاں ہیں تاکہ کسٹمر کے تجربے کو آسان اور پیپر لیس بنایا جاسکے۔ اس اقدام سے رقم کی واپسی کے عمل میں تیزی آئے گی کیونکہ صارفین اب جہازوں کی لوڈنگ کے فوراََ بعد واپسی کے دعوے جمع کراسکتے ہیں۔ اسکے تحت جسمانی دستاویزات جمع کروانے کے لئے انتظار کا وقت ختم کردیا گیا ہے۔ ترجمہ : ریاض خان ۔ http://wam.ae/en/details/1395302953585

WAM/Urdu