جمعہ 21 جنوری 2022 - 5:22:38 شام

متحدہ عرب امارات میں بارش میں اضافے کے تحقیقاتی پروگرام کے لئےایوارڈز کا اعلان


دبئی، 13 جنوری،2022 (وام)۔۔ نائب وزیر اعظم اور صدارتی امور کے وزیر شیخ منصور بن زاید آل نھیان کی سرپرستی میں متحدہ عرب امارات میں بارشوں میں اضافے کے تحقیقاتی پروگرام نے ایکسپو دبئی میں اماراتی پویلین میں اپنے چوتھے سائیکل کے فاتحین کو اعزاز دینے کے لیے ایک خصوصی تقریب کی میزبانی کی۔ تقریب میں صنعت اور جدید ٹیکنالوجی کے وزیر ڈاکٹر سلطان بن احمد الجابر اور وزارت صدارتی امور کے مشیر فارس محمد المزروعی اور NCM کے بورڈ آف ٹرسٹیز کے چیئرمین نے شرکت کی۔ شیخ منصور بن زاید آل نھیا ن نے کہاکہ ہماری دانشمند قیادت کے وژن اور غیر متزلزل حمایت کی وجہ سے متحدہ عرب امارات سائنسی برادری کے لیے پانی کی پائیداری کو فروغ دینا اور سائنسی حل تلاش کرنا میں اپنی کوششوں میں مسلسل حمایت جاری رکھے ہوئے ہے۔ انہوں نے کہا کہ پانی کی کمی ایک بڑا عالمی چیلنج بن گیا ہے جو دنیا بھر میں پانی کی حفاظت کو تقویت دینے کے لیے عملی حل تیار کرنے کے لیے اجتماعی کوششوں اور فوری کارروائی کا مطالبہ کرتا ہے۔ انہوں نے کہا کہ مختلف ترقیاتی چیلنجوں سے نمٹنے کے لیے تحقیق اور ترقی کے نتائج کو بروئے کار لانے کے لیے متحدہ عرب امارات کے دانشمندانہ نقطہ نظر کے مطابق ملک نے بارشوں کی شرح میں اضافے کیلئے اس تحقیقاتی پروگرام کے قیام کے ذریعے اپنے آبی وسائل کو ترقی دینے کے لیے ایک اہم قدم اٹھایا ہے۔ شیخ منصور بن زاید النہیان نے کہا کہ اپنے آغاز کے بعد سے پروگرام نے آبی وسائل کی کمی اور کم بارشوں کی شرح سے نمٹنے کے لیے نئے حل اور آئیڈیاز تلاش کرنے میں اہم کردار ادا کیا ہے۔ ہمیں یقین ہے کہ تعاون اور اجتماعی کوششوں کے ذریعے ہم اس میں کامیاب ہو جائیں گے۔ انہوں نے کہا کہ مقامی، علاقائی اور عالمی سطح پر پانی کی حفاظت کو بہتر بنانے میں کردار ادا کرتے ہوئے پروگرام میں پیش کیے گئے خیالات کو حقیقت کا روپ دیا گیا۔ شیخ منصور بن زاید النہیان نے چوتھے سائیکل ایوارڈ حاصل کرنے والوں کو مبارکباد دی اور ان کیلئے مزید کامیابی کی دعاکی۔ تقریب میں ڈاکٹر سلطان بن احمد الجابر نے ایوارڈ یافتگان کو اعزاز سے نوازا۔ تقریب سے خطاب میں انہوں نے کہاکہ "یہ میرے لیے بہت بڑا اعزاز ہے کہ میں شیخ منصور بن زاید النہیان کی جانب سے UAE ریسرچ پروگرام برائے رین اینہانسمنٹ سائنس کے چوتھے سائیکل کے ایوارڈ عطا کر رہا ہوں۔ انہوں نے کہاکہ ہماری دانشمندانہ قیادت کے وژن اور حمایت نے متحدہ عرب امارات کو اپنی اہم حیثیت کو مستحکم کرنے اور پانی کی حفاظت جیسے اسٹریٹجک مسائل کے حل فراہم کرنے میں اہم کردار ادا کرنے کی اجازت دی ہے۔ انہوں نے کہا کہ یہ تحقیقاتی پروگرام ملک کے قابل ذکر اقدامات میں سے ایک ہے۔ یہ دنیا بھر میں پانی کی شدید کمی کا سامنا کرنے والی کمیونٹیز کی ضروریات کو پورا کرنے کے لیے آبی وسائل کی پائیداری کو یقینی بنانے کی ہماری صلاحیت کو ثابت کرتا ہے۔ فارس محمد المزروعی نے دنیا بھر میں پانی کی پائیداری کو بڑھانے کے لیے سائنسی برادری کی انتھک کوششوں کے لیے متحدہ عرب امارات کی دانشمندانہ قیادت کی حمایت اور تعریف کا اعادہ کیا۔ انہوں نے کہا کہ پانی کے تناؤ سے نمٹنے کے لیے نئے سائنسی حل کی ضرورت ہے جو سب سے زیادہ اہم قومی مسائل میں سے ایک کے طور پر سامنے آیا ہے۔ NCM کے ڈائریکٹر اور ورلڈ میٹرولوجیکل آرگنائزیشن (WMO) کی ریجنل ایسوسی ایشن II (ایشیا) کے صدر ڈاکٹر عبداللہ المندوس نے کہاکہ تحقیقاتی پروگرام کا مقصد عالمی سطح پر پانی کی حفاظت کو یقینی بنانا ہے۔ انہوں نے کہا کہ ہمیں یقین ہے کہ جیتنے والے پروجیکٹ کی تجاویز پہلے سے نوازے گئے پروجیکٹس کے ساتھ بنجر اور نیم علاقوں میں پانی کے دباؤ کے چیلنجوں کے لیے امید افزا حل تیار کرنے کے لیے ٹھوس سائنسی بنیاد فراہم کریں گی۔ ایوارڈز کے چوتھے سرکل میں پروگرام کو کل 81 گذارشات موصول ہوئیں جو 378 سائنسدانوں اور محققین نے پانچ براعظموں کے 37 ممالک کے 159 اداروں سے وابستہ ہیں۔ یہ پروگرام بارش میں اضافے کی ہر تحقیقی تجویز کے لیے 3 سال کے دوران تقسیم کیے جانے والے 1.5 ملین ڈالر کی گرانٹ پیش کرتا ہے ۔ ترجمہ: ریاض خان ۔ https://wam.ae/en/details/1395303010750

WAM/Urdu