جمعہ 21 جنوری 2022 - 7:27:04 شام

عبداللہ بن زاید سے برطانوی ابراہیمی معاہدوں کے گروپ کے وفد کی ملاقات

  • عبدالله بن زايد يستقبل وفد قادة مجموعة الاتفاقيات الإبراهيمية في بريطانيا
  • عبدالله بن زايد يستقبل وفد قادة مجموعة الاتفاقيات الإبراهيمية في بريطانيا

ابوظبی، 13 جنوری،2022 (وام)۔۔ خارجہ امور اور بین الاقوامی تعاون کے وزیر شیخ عبداللہ بن زاید آل نھیان سے UK Abraham Accords Group کے ایک اعلیٰ سطح وفد نے ملاقات کی۔ ملاقات کے دوران خطے میں ابراہیمی معاہدے کے نفاذ میں تعاون اور رواداری اور بقائے باہمی کو فروغ دینے کے لیے گروپ کی کوششوں پر تبادلہ خیال کیا گیا۔ ملاقات میں متحدہ عرب امارات اور برطانیہ کے درمیان اسٹریٹجک تعلقات کو بڑھانے اور خطے میں سلامتی اور استحکام کو فروغ دینے کے لیے ان کے تعاون اور ہم آہنگی پر بھی غور کیا گیا۔ شیخ عبداللہ نے وفد کا خیرمقدم کرتے ہوئے مشرق وسطیٰ میں امن معاہدوں کی حمایت میں ان کے مثبت اور ٹھوس تعاون کو سراہا۔ انہوں نے گروپ کے کام کی بھی تعریف کی جس کی وجہ سے خلیج تعاون کونسل (GCC) ممالک اور اسرائیل کے نوجوانوں کے ذریعے قائم کردہ ایک غیر منافع بخش تنظیم شراکہ کے ساتھ تعاون کے معاہدے پر دستخط ہوئے۔ انہوں نے اس بات پر زور دیا کہ امن لوگوں کے درمیان رواداری اور بقائے باہمی کے پل تعمیر کرنے میں مدد کرتا ہے اور ترقی اور خوشحالی کی ان کی امنگوں کو پورا کرتا ہے۔ شیخ عبداللہ نے کہا کہ ابراہیمی معاہدے پر سرمایہ کاری سے خطے میں سلامتی کو بہتر بنانے، مستحکم کمیونٹیز کے قیام اور روشن مستقبل کو یقینی بنانے میں مدد ملے گی۔ ملاقات کے دوران شیخ عبداللہ نے متحدہ عرب امارات اور برطانیہ کے درمیان دیرینہ تاریخی تعلقات اور تمام شعبوں میں تعلقات اور تعاون کو بڑھانے کی خواہش پر زور دیا۔ ملاقات میں برطانیہ میں متحدہ عرب امارات کے سفیر منصور عبداللہ خلفان بلہول بھی شریک تھے۔ ترجمہ:ر یاض خان ۔ https://wam.ae/en/details/1395303010748

WAM/Urdu